عبدالله بن زنان
04-27-2009, 05:33 PM
.
.
.
بكل الحب
بعض مني أتمنى أن يروق لكم
.
.
رحلة بلا ماااء ..!
مجرد دمع .. أخذ ثاره من الأقدار .. يترنم حنين .. وكل ماحوله جفا ..
قبل الجفاف يعيد همس الما .. قدر .. ويلم بجيوبه جنون الكون ..
يتهادى سحابه من بلاد الغي لعيون الوطن .. ويطيح جفنه .. يلتهي وينام ..
يحلم بانتصار الحلم.. والذكرى تصحي ساكنينه ..!
ياعيون الليل باحضان الرصيف
يارصيف الليل ماودك تمون
الشقا عشرة أمل فيها رفيف
والرفيف العشرة اللي ماتخون
لاوطن وعيونها حلم الكفيف
والكفيف عيون تتمنى عيون
الأماني ذنب باوطان العفيف
ياعفيف الذنب في طهرك جنون ..!
جنون وطير .. فضا مسجون .. سحايب همَ .. وعمرٍ بالعنا يلتم .. !
.. عزفت الحلم .. طيرت الأماني .. مانويت آطير .. نويت آعيش ( أنا ) مثلي
( أنا ) .. لكن ..! حكايات السما والمزن .. مجنونه بحفلة حزن ..
وطحت بغربتي ممطور .. بجناح انكسر في غفلة الدمعة .. ومات انسان .. !
آموت باجفان الزمن وانتي الروح
واحيا معك في معركة موت الاحلام
انصاف نحيا غصب وانصاف بجروح
تذبل ذبول العطف بعيون الايتام
كن الأماني سقف والسقف مفتوح
كن السنين الشرك وظروفي اصنام
لامن ذكرت عيونك ونكهة البوح
تنسى عيوني كل ما شافت اعوام
وآعيد تكويني مع جمرة النوح
والقى العروق تعيدني طفل منضام
وشم الجروح بعينه يقول ما أروح
هاتي حنانك غطي الجرح بآنام
وطفل بطيشه الهادي .. وسحرك نور متمادي .. صباحك روح .. يسألني عن الأنصاف
.. عن الفنجان والأطراف .. ورعشة خاطري .. في ظلمة النور الكثيف .. الهمس ..!
ودمعه في رفوف الصبر .. يقراها العنى من أمس .. وشهو أمس دام اليوم يجرحني
يغربني .. برحلة نور باطراف المدينة .. والغياب الشمس ..!
ألا ياشمس روحي كل مانقرا الظلام نعيد
ترتيب الحنايا لجل نحيا يومنا العادي
ملل يسكن جوارحنا وعشقٍ ملَه التنهيد
شوارعنا شوارعنا وغربتنا بلا هادي
انا قررت أعيش الما حكاية مالها تحديد
مدام ان المطر جلاد أنا حبيت جلادي
ولكن للأسف ملحه تثنى والسحاب القيد
وصار الما خناجر للوداع ومالها حادي
ألا ياشمس روحي مالقصتنا عيون وأيد
مدام أن الحنايا بالسما وش باقي العادي ..!
ولاعادي .. مدام ان المطر مالح .. خذي كل السحاب .. ولملمي باقي الفضا
بيدك وخليني وحيد .. أنا تعودت السما بيدي ألونها .. وأمرر للطقوس أجراس
من جورالعواطف واستزيد .. لوحة مطر .. فيها التعب أزرق وبحر عيونك
السودا سواد وملح .. ياملح السنين الميته كيف الوداع ..!
من يوادع من ؟ وصوت الحزن طاب
من يقول ( وداعة الله ) يـ الحبيب
لا لسان ولا عيون ولا سحاب
لامطر لاصوت والجرح النحيب
اختيار الموت تسليم الغياب
كف حلم .. وكف للوقت العصيب
مانويت الرحلة اللي من عذاب
ولا نويت آموت بيدين النصيب
موتي أهون من تفاصيل العتاب
والعتاب يمون .. من أغلا حبيب ..!
ياحبيبي .. ياجبين النور .. بيديني سؤال يموت حي .. ويحتري منك الإجابه
طعنته فرقا .. ودمه من خيال .. ولاسؤال .. ولاعتب .. لاريح .. لامعنى ولا أية
حياة .. وداخلي صوتك يعيش ..!
أنت موالي وأنا زحمة عنا .. وحدي هنا .. احيي من انصاف الحلول .. خيول
واشهق بالصهيل المرَ واترامى جسد كله غنى ..دام الفقر فقر المشاعر
يالحبيب ..!
حبيبي الصبح من دونك
أغصان تسأل عن الورقا
قبايل الريح يطرونك
وحبال هالذاكرة غرقا
لاتسأل الغيم وش لونك
بآعيش بك والسما زرقا
باعيش بغيابك عيونك
واحضنك واتنفسك وارقا
من قال بآموت من دونك
بحياك لو عاشت الفرقا ..!
الســيل
.
.
.
.
.
بكل الحب
بعض مني أتمنى أن يروق لكم
.
.
رحلة بلا ماااء ..!
مجرد دمع .. أخذ ثاره من الأقدار .. يترنم حنين .. وكل ماحوله جفا ..
قبل الجفاف يعيد همس الما .. قدر .. ويلم بجيوبه جنون الكون ..
يتهادى سحابه من بلاد الغي لعيون الوطن .. ويطيح جفنه .. يلتهي وينام ..
يحلم بانتصار الحلم.. والذكرى تصحي ساكنينه ..!
ياعيون الليل باحضان الرصيف
يارصيف الليل ماودك تمون
الشقا عشرة أمل فيها رفيف
والرفيف العشرة اللي ماتخون
لاوطن وعيونها حلم الكفيف
والكفيف عيون تتمنى عيون
الأماني ذنب باوطان العفيف
ياعفيف الذنب في طهرك جنون ..!
جنون وطير .. فضا مسجون .. سحايب همَ .. وعمرٍ بالعنا يلتم .. !
.. عزفت الحلم .. طيرت الأماني .. مانويت آطير .. نويت آعيش ( أنا ) مثلي
( أنا ) .. لكن ..! حكايات السما والمزن .. مجنونه بحفلة حزن ..
وطحت بغربتي ممطور .. بجناح انكسر في غفلة الدمعة .. ومات انسان .. !
آموت باجفان الزمن وانتي الروح
واحيا معك في معركة موت الاحلام
انصاف نحيا غصب وانصاف بجروح
تذبل ذبول العطف بعيون الايتام
كن الأماني سقف والسقف مفتوح
كن السنين الشرك وظروفي اصنام
لامن ذكرت عيونك ونكهة البوح
تنسى عيوني كل ما شافت اعوام
وآعيد تكويني مع جمرة النوح
والقى العروق تعيدني طفل منضام
وشم الجروح بعينه يقول ما أروح
هاتي حنانك غطي الجرح بآنام
وطفل بطيشه الهادي .. وسحرك نور متمادي .. صباحك روح .. يسألني عن الأنصاف
.. عن الفنجان والأطراف .. ورعشة خاطري .. في ظلمة النور الكثيف .. الهمس ..!
ودمعه في رفوف الصبر .. يقراها العنى من أمس .. وشهو أمس دام اليوم يجرحني
يغربني .. برحلة نور باطراف المدينة .. والغياب الشمس ..!
ألا ياشمس روحي كل مانقرا الظلام نعيد
ترتيب الحنايا لجل نحيا يومنا العادي
ملل يسكن جوارحنا وعشقٍ ملَه التنهيد
شوارعنا شوارعنا وغربتنا بلا هادي
انا قررت أعيش الما حكاية مالها تحديد
مدام ان المطر جلاد أنا حبيت جلادي
ولكن للأسف ملحه تثنى والسحاب القيد
وصار الما خناجر للوداع ومالها حادي
ألا ياشمس روحي مالقصتنا عيون وأيد
مدام أن الحنايا بالسما وش باقي العادي ..!
ولاعادي .. مدام ان المطر مالح .. خذي كل السحاب .. ولملمي باقي الفضا
بيدك وخليني وحيد .. أنا تعودت السما بيدي ألونها .. وأمرر للطقوس أجراس
من جورالعواطف واستزيد .. لوحة مطر .. فيها التعب أزرق وبحر عيونك
السودا سواد وملح .. ياملح السنين الميته كيف الوداع ..!
من يوادع من ؟ وصوت الحزن طاب
من يقول ( وداعة الله ) يـ الحبيب
لا لسان ولا عيون ولا سحاب
لامطر لاصوت والجرح النحيب
اختيار الموت تسليم الغياب
كف حلم .. وكف للوقت العصيب
مانويت الرحلة اللي من عذاب
ولا نويت آموت بيدين النصيب
موتي أهون من تفاصيل العتاب
والعتاب يمون .. من أغلا حبيب ..!
ياحبيبي .. ياجبين النور .. بيديني سؤال يموت حي .. ويحتري منك الإجابه
طعنته فرقا .. ودمه من خيال .. ولاسؤال .. ولاعتب .. لاريح .. لامعنى ولا أية
حياة .. وداخلي صوتك يعيش ..!
أنت موالي وأنا زحمة عنا .. وحدي هنا .. احيي من انصاف الحلول .. خيول
واشهق بالصهيل المرَ واترامى جسد كله غنى ..دام الفقر فقر المشاعر
يالحبيب ..!
حبيبي الصبح من دونك
أغصان تسأل عن الورقا
قبايل الريح يطرونك
وحبال هالذاكرة غرقا
لاتسأل الغيم وش لونك
بآعيش بك والسما زرقا
باعيش بغيابك عيونك
واحضنك واتنفسك وارقا
من قال بآموت من دونك
بحياك لو عاشت الفرقا ..!
الســيل
.
.
.