[ .. دايـم ، على البـال .. ]

[هنادي الكوت]

http://img71.imageshack.us/img71/3885/roseiloveu11va8.gif
،


إذا الله أحياني [ حبيبي ] .. أحبّك ،
وإذا توفّاني / أحبّك على الموت !

[هنادي الكوت]

تعوّد صاحبي والبعد عوّد =على باله ولا ودّه يجيني
وعوّدني على حبّه وهوّد = عن الاحساس واشقاني حنيني !

[هنادي الكوت]

ليلي شرود ان حاشه الصبح ولّى=مــــ/الحق اسامر فيـه - شمعة وصالك -
ياللي حضورك له وقار ان تجلّى=طاحت من عيون الأماسي سما/لك !

[هنادي الكوت]

http://www.l44l.com/upfiles9/DpK53903.jpg



على طرفي نعسني / نوم
وعيّــت تغفـو " الحيــرهـ "
و
وتمّيــت السهـر هاليــوم
ولا نومــه وتصبيـــره !!!

[هنادي الكوت]

http://img71.imageshack.us/img71/3885/roseiloveu11va8.gif
،

حَدثْ في مثل ، هذا اليوم : حبيتك !=وحدّيت الفؤاد " اليوم " ع النسيان !؟
قهرني " اليوم " واحسبني تناسيتك =احسب اني قدرت اقفّل البيبان !
اثر يا صاحبي بيت الحشا " بيتـك "=ولك فيه الصدر والمجلس العمران
واثبت هاجسي اني تحاشيتك =ولكن ماطرى انسى الذي قد كان !
حدث في مثل ذاك اليوم خلّيتك=وذاك اليوم عاد اليوم للأوطان
فتحت الذاكره والدفتر / وجيتك=أغمّس بالحنين " الروح والحرمان "
و نفس الموعد اللي فيـه لبّيتــك =يلبّيني الغياب وداعي الهجران !

[هنادي الكوت]

http://img71.imageshack.us/img71/3885/roseiloveu11va8.gif
،

طاح غيم الوجد من عالي سمـاك=شي ما كنت احسبه منّـك يطيـح
ليه ؟ راح القلب يمّك مـا لقـاك=ليه ؟ يومنه رجع يبكـي يصيـح
( من عذاب البرد جيت ابغى دفاك=واثرك بصادق حنينك لي شحيح )

[هنادي الكوت]

،

كانت معي فرصه ! أبيعك وأخليك !=ومعي بعد عذري / وأسباب بعـدي
لوانّي فعلاً صـرت ماعـاد ابغيـك=كان الممات أهون ولا أخون وعدي
مو بس [ أحبك ] قول أنا ميته فيـك=لكن عجزت أداري الحـب وحـدي
ابيك تعطيني غلا كثر مـا اعطيـك=واتحرر اللي مختنق دوب وجـدي

[هنادي الكوت]

،

أكثر من الممكن يصير اتحمّل ،
وأصبر على الغيبة / وأداري حنيني

لعيون وصلك .. لو قعدت اتأمّـل
واحس بإنك يا حبيبي : تبيني ،

وللآخر .. الآخر معاك وبــ كمّل
لين ألمس حضورك / وأضمة بعيني

[هنادي الكوت]

،


كانك تبي مني علوم / وسوالف !
السالفه يا صاحبي : كانت وكنت

ماعاد في قلبي حبيبٍ / موالف
بعدك تساوت كلها عندي وشنت

وابشرك قلبي عن ( الحب ) حالف
حتى الشعور اللي تخبره : تعيش انت

[هنادي الكوت]

،

مزون الشعر ماتروي قلوبٍ نزفها خداع=ولا يرعى صفى ماها قفار مشققه ركونه
ومهما ينكتب منهم ومهما ينقرى وينشاع=يظل الناتج الحتمي قصيده عز مغبووونه

[هنادي الكوت]

،

عساني فدوه أعصابـك ، اذا احرقـت أعصابـك=حبيبي تحترق دنيـا لعينـك بـس ( راضينـي )
أمانـه حـنّ لـو جيتـك وشـرّع للقـا بابـك=أمانه ( حيل مشتاقه ) وعشان الشوق : داريني !

[هنادي الكوت]

،

محبتي لك ( فـوق ) كـل المحبـه=ياللي رسمك الله في وسـط عينـي
صبيت في ملح النظـر ألـف حبـه=وكحّلتها في صورتك يا ضنينـي !
يا ( شيخ ) أحبك هو كذا دون سبه=واذا تبي أسبـاب بينـك وبينـي !
إنت أول احساسي شعوري يلبّـه=وأنت الغلا كلـه عقـب والدينـي

[هنادي الكوت]

،

حزينة ، فوق ما يتصوّر الوجدان !
ومن أقصاي ماعاد أقدر اتحمّـل ،

تعبت / ارخي
تعبت / آشد
تعبت / أنهان !
تعبت يحق لي أزعل / ولا أزعل !

قسم بالله ياسِيدي : أنا ا ن س ا ن ..
إذا قدّرتني يعني : وش ابيحصل ؟

[هنادي الكوت]

،

لله درّك من : حبيبٍ و غاوي !
معك على وجه الشعر جيت / حفّاي ،

جيت أحذف عقال المشاعر .. وأهاوي
إيّاك ياللي ماعشق غير إيّاي !

[هنادي الكوت]

،


تحمّلت الجراح وغيبتك وظنوني الشينه=ولكن توصل لحد - الخيانه - ما اتحمّلها
قسم بالله لابتر هالوداد وكل شرايينه=مدام السالفه بيني وبينك خاربه كلها
أنا من خلقتي مااْقبل شراكه لا ولا دينه=عيوفٍ لو خذا مني احد حاجه اهمّلها
فمان اللي عطاك أقسى خفوقٍ باع مغلينه=فمان اللي عطاك الحق أشواقي تقتّلها

[هنادي الكوت]

،

طاح غيم الوجد من عالي سمـاك=شي ما كنت احسبه منّـك يطيـح
ليه ؟ راح القلب يمّك مـا لقـاك=ليه ؟ يومنه رجع يبكـي يصيـح
( من عذاب البرد جيت ابغى دفاك=واثرك بصادق حنينك لي شحيح )

[هنادي الكوت]

،

سألني هــ الوطن عنك !؟
سألني أمس !
غرق في شبر - ش و ق -
اتصدّق .. وماتك !!
نسى ينسى : بأنك
ما تعرف اتْـــــــ حسْ !؟
و ذكر يسأل .. ورى خطوات
ساعاتك !!

[هنادي الكوت]

،

وش قصة الدمعة على طارف الرمش
كل ما لمحتك شفتهـا فـي عيونـك
واذا سألتك عنها قلـت لـي أمـش
ماعزّت الدمعه على مـن يبونـك !!

[هنادي الكوت]

كل ماطرى في بالي العام : ابكي = حتى وأنا في مجلسٍ كلة أحباب !

[هنادي الكوت]

وان جيت ابحكي عن دموعي وش احكي ؟ = لاصارت الفرقا كذا مالها أسباب ؟

[هنادي الكوت]

امسك على خط الغياب .. وتوكّل = وانسى أمور الحب بينك وبيني
أنا خلاص غسلت يدّي وابرحل = وبريت ذمّة خافقي من حنيني !
علّلت الأسباب وعرفت انّي أفشل = بنتٍ لمس فيها الغرام الوتيني
قلبي عن احساس المحبة تعطّل = ماله في هالأجواء : دنيا وديني