مساءاتي !! [الأرشيف] - منتديات ضفاف أدبية

محمد الفيفي

05-15-2009, 10:01 PM

.

مساء ٍ ذاب من ... وجدي
وجالك ....../ يطلب زياره

بصدق القول ../ والمعنى
بكامل نظرته ...../ عندك

,
,

مساء الليل .../ وعطوره
مسائك ..../ زادت انواره

اشوف الكون من حولي
حرير وملمسه ...../ يدك

,
,

مساء يفوح ..../ بالعنبر
بمسك وعود ....وبشاره

وتطلع .../ شمسي بليلي
إذا ناظرت ..../ في خدك

,
,

مساء الحب ... من حبك
وحبك غازل..../ ازهاره

تذوب انفاسك .. بعمري
وقلبي ينتظر ../ وعدك

http://www.eshraqaat.com/vb/images/smilies/pf.gif

محمد الفيفي

05-15-2009, 10:03 PM

.

مسائك عانق انفاسي وطرز بالوله .../ غيمه
وجاب من الخرامى عطور وجاب من الزهور الوان

مساء يراقص الخطوه ../ على خطوات ترنيمه
يبارك لحظة وجودك وينشر من مساك ... إحسان

وجاني من مساك الخير محمل في سحر ديمه
تعانق بالثرى عشبك ......./ خيالك يشبه الأمزان

مساء الحب من قلبك يجددني ......./ تعاليمه
يخلي دنيتي فرحه نسيمه يتعب ........./ الريحان

مساء اللي عشق روحك .. وحبك صار تعميمه
على كل المدن يعني ........./ وفاء لحكمة الإنسان

مسائك شع في نوره وزادت مني ..../ تسليمه
على طهر الهوى بقلبك وحلمي بك مدى ..الازمان

http://www.eshraqaat.com/vb/images/smilies/whitrose.gif

محمد الفيفي

05-20-2009, 11:54 AM

.

أتنفسي بعضي مسا
وآنا بأتنفس حياتك
وإن هجر قلبك حياتي
أو تعداني ونسى
علميني كيف أعيش
وحدي في حضن المسا ؟؟
كيف أموت
من حطامات الغياب .. !
كيف أداوي هــ الأسى ؟؟

.

محمد الفيفي

05-21-2009, 01:34 PM

.

اعتقي هذا المسا
زاد وجدي من جفاك
المسا بعدك أسى
أنتفاضه في سمـاك

طائر الليل الحزين
يرتعش برد وحنين
والمسا يلبس ثياب
كلها صمت وأنين

رددي لحـنك شقاي
لا يهمك وش وراي
المسا دامـه خذلني
من يدينك..ذاخطاي

.

محمد الفيفي

05-22-2009, 01:17 PM

.

من بعد هاك المسا
ما عرفت إلا غيابك
وأنتظارك والأسى

هو صحيح ,؟؟
إنكسر غصن المسا لحظة غيابك
وإني بعدك ما عرفت إلا انادي
ياحياتي يا وطن عمري وبلادي
كل شي واقع ولكن ..

الألم إني سرابك
والمسا يكوي ضلوعي
وسط عبره من عذابك

.

محمد الفيفي

05-23-2009, 08:58 PM

/

\

أعترافات المساء في غيابك

كلها يأس ..... وسراب

واللقا يهدا ويثور

في مشاعر

غابت بوقت العثور

يا مساك

أفتقدته

يوم حسيت بهواك

مدري غلطه

وإلا إني

صرت أتمادى معاك

.

محمد الفيفي

05-25-2009, 08:10 PM

.

اقطفي / من خدك الزاهي عمر
فوق عمرك واطلقي عنان المسا

احرقي روحي من أنفاسك جمر
للمسا الوان / تبهج من نسى

وأرقصي وأرويني من ريقك خمر
طالبك .... ودي نوّدع هالأسى

وآمريني , وأطلبي // جاز الأمر
لا عسى قبلك / ولا بعدك عسى

والله إني / حيل (أحبك) والثمر
عند قلبك // يوم قلبي له كسى

قلتها لك : والندى بك والسمر
جربيني / وأطلقي عنان المسا

للأبد .. هذا غرامك / مستمر
لك لوحدك .. يا مجننة النسا

.

محمد الفيفي

05-27-2009, 05:51 PM

.

هذا المسا
يكتب على صفح السما
حزن ٍ تمرّد
وأستقر في محمّد
جا وأرتعش
يطلب على همه نعش
بعد البرد
شوكه تمدد فالورد
وبعد المسا
صاب الأماني بالعمى
وين الهنا؟
ضايع وأنا باقي أنا
عنا وأمر
أمر من جنب القبر
وأنبش رمل
لعلي ألقى لي أمل
أو أنتحر
وأكتب على جال السما
وصيّة إحساس المسا
بعد العصر

.

محمد الفيفي

05-31-2009, 07:03 PM

.

مساء اليأس, بضلوع الشتا وبدمعة المسكين
مساء ٍ ذاب في خد البلاوي / وأنبت الحسره

تلعثم كل شي ٍ به / ولا باقي سوى التدوين
يجي يكتب عسى يلقى أمل ناسي يجي بكره!

.

محمد الفيفي

06-03-2009, 05:42 PM

.

ورد المسا
يرمي بقايا الأسئله
آخاف أجاوب وأقطفه
أبو مشاعر مرهفه
وأنا الذي كلي أسى
دنياي صارت مُمحله
غاب المسا
وجا مسا
كل ٍ تغيّر إلا انا
باقي بنفس الأسئله
ولو تبي
عطيتك أغلى الأمثله
وإلا الحقيقه تختلف
ماهي مجرد اسئله
مسا وخانه مغربه
خيانة اللي يطلبه
يبيه يبعد يجذبه
وين الحقيقه الغآيبه
اللي ولا هي آيبه
أدري وتدري كلنا
ماشين في عتم المسا
خل ٍ قسى
خل ٍ نسى
وخل ٍ يحب بعاطفه
والعاطفه به صادقه
وحبيبته امفارقه
وين المسا؟؟
إن كان يبحث عن أمل
غآيب بنفس الأسئله
نصيحتي لا تسأله
إجابتك إجابته
ومهما عاندك الفضول
عواطفه ما عافته
أنا الصدق
اللي هرب منه المسا
ولا فرق
إن كان ليته أوعسى
وجهين لكن للأسف
ماحد ذكر كل ٍ نسى ..

.

محمد الفيفي

06-05-2009, 04:39 PM

.

اتمايلي لي ..
علّمي ليلي وخليلي
أن شال الليل كله
في عيونك !!
يصحى ويصحي أماني
من شجونك

أطرقي باب المسا ..
وأطعني الشهب بجفونك
راقصيني
تحت ضو السحب فيني
علميني
هالمسا وشهو بدونك ؟؟

.

محمد الفيفي

06-07-2009, 01:46 PM

.

هذا المسا كلّه معازيم ...../ وهموم
........................ من يوم غبتي وإنت ِ بنت الخلايف
لا تجعلين ......./ الدم بالهم مركوم
........................ وأطوي جناح الليل/. قبل الصحايف
لا تندهي جروحي / قبل ينتهي اللوم
........................ لا تطفي الشمعه ./ وتدمي الحسايف
ردي علي شمسي / قبل يرحل النوم
........................ وأصير قصه ..../ في حياة الولايف
في كل شارع شفت لك أسم ورسوم
........................ وبكل غنوه ....../ مثلما أنت شايف
طلال غَنّى ./ لجل هو كان محروم
........................ وأنا أغنّي ...../ لجل أنا منك خايف
ناي المسا./ ضمن المعازيم معزوم
........................ يهمس بإذني ...../ الأمل كان زايف

.

محمد الفيفي

06-11-2009, 06:37 PM

.

المسا أنتِ وأنا اللي كنت أشوفك في ضميره
............................................... والعمر يمضي وأنا اللي / ما عرفت إلاّ الغياب
يا حسافه باكر أقبل ../ وإنت ِ في يدينه أميره
............................................... وآنا في ممسايَ أبكي .../ بيني وبينك حجاب

.

محمد الفيفي

06-17-2009, 05:54 PM

.

مسانا / دندن بصوت الصبح فيروزه المُبكي
.............................. يقلّب بالمسا أوراق ٍ/.. قديمَه تَخنق العَبْره
يغيب الدمع بحروف الحبر من قبل ما يشكي
.............................. ويضيق الليل حتى إنّه تنَفَس من خرم إبره

.

محمد الفيفي

06-18-2009, 07:45 PM

.

المسا ../ بالشمع الأحمر وَدّعَك
....................... وإستباحَ الهم/ في قلب َ العذاب
يَمّ غيري ...../ بالأماني شَيّعَك
....................... زادَ في تِلكَ الخُطا مِثلَ السحاب
يا رعى الله ُ /.. زمانا ً أرجَعَك
....................... لكن: إنّ الشيب ما يرجع شباب

.

محمد الفيفي

06-21-2009, 04:02 PM

.

مسا يتساقط عذوبه ../ يجيلك حامل غروبه
.......................... على كف السما يسمو / يعانق بهجة القارِب
وأمواج الأفق تسبح وتشرق في هوى دروبه
.......................... هبوب ٍ يدفع الممسى على باب السما قَارَب

.

محمد الفيفي

07-01-2009, 04:39 PM

.

كثر العَتَب, خلاّ المسا يفقد الشمس
...................... ويترك أمانيّه على جال شمسه
ما فاد به صمتٍ, ولا فاد به همس
...................... والوقت دايم ./ ما يعَوّد لِأمسه
بيني وبينك والعتب صار كَالخمس
...................... ثابت .. يصافحنا فراقه بخمسه
شدّ الركاب وكل شي ٍ مضى أمس
...................... أنفث بشمعاته / ولا تعيد لمسه
وجروحنا يا صاحبي مثلما العمس
...................... كفيل وقتي ../ بعد هذا بطمسه

.

محمد الفيفي

07-16-2009, 05:45 PM

.

بيني وبينك ......./ والمسا لمّة أحباب
.................... بعد الغياب ......./ اللي شكته المحاني
واللي حصل شمس ٍ تخيطك على غياب
.................... لون الذهب فيها كَذَب ...../ ما عطاني
إلا ّالمسا ..../ من قبل ترتيب الأسباب
.................... واليوم ........./ رتبت الأمل والأماني
مع التذاكر / والحزن /... رحلة عتاب
..................... عنوانها ..../ ( مساء الأحباب جاني )
تارك وراي اللي حَصل ../ قافل الباب
..................... خلف الزمان ...../ وتارك ٍ له مكاني

.

محمد الفيفي

07-19-2009, 07:55 PM

.

حزن ٍ لفانا لَفنا ../ في مسانا
................... ثيابه الغربه .../ وطول إنتظاري

بيني وبينه ./ قصة ٍ من أسانا
................... قصة مسا ..../ ودّع بقايا نهاري

ليل الريآض بحسرته ما نسانا
................... وإنت ِ نسيتي ./ ما وفيتي لداري

كنّا نجيب من العسى يا عسانا
................... نغسل جروح ٍ ... كم تعبنا نداري

واليوم أنا وإنت ِ / زمَنّا كسانا
................... فرقا ... وغرقا عيوننا والمساري

.

محمد الفيفي

07-24-2009, 07:40 PM

.

قرّبيني من حياتك ...../ المسا فرحتك فيه
.......................... هي وجودي في حياتك جوف ذاتك يا ملاك

إغمزي بعيونك الحوراء وقولي: وش عليه
.......................... دامني قربك أباخذ .. راحتي ../ وألثمه فاك

المسا ستر الحبايب ..../ خاتمك شمع بيديه
.......................... حابس ٍ روحي بروحك ../ توأم ٍ من مبتداك

حتى يفنى العمر ./ غيرك في حياتي ما أبيه
.......................... عشت متوّسد ذراعك .../ أسبق أيامي معاك

وإن غدر بي الوقت وإلا ّ باعني قبل أشتريه
.......................... لا تلوميني أمانه ..../ ما عشقت احد ٍ سواك

.

محمد الفيفي

07-25-2009, 07:23 PM

.

يا عطر العمر والأعمال, تعال وأترك العّذال
............... يا أثمن, من كنوز القيصرين وطيب تُفاحه

يا شاري العمر لا تبعد ./ مسانا يطلبك تختال
............... على حَدّ الشفق وألعب,, بقلب ٍ أنت مفتاحه

يجيلك طايع ٍ فكري مضارب من هوى الأمثال
............... ثمرها أوَلَه بذره ....../ وتأتي بعدَه الراحه

ولا تتوَرّط بغيري ....... إذا جاك المسا بهبال
............... ترى لو طال بك ليلك, يجيك الصُبح برماحَه

تخَيّر قلّي وش ودّك ..نواصل وإلا ّ نرثي الحال
............... ترى منهو نظَر خلفه تزيد مْن الأسى جراحه

.

محمد الفيفي

07-27-2009, 07:47 PM

.

غابت ومدري وش سببه غيابها
........................ حتى المسا يوم إنها غابت / شكى

نست وقوفي .../ كل يوم بْبابها
........................ حتى رصيف الباب, من همي بكى

الإنتظار ./ الذكريات ./ أحبابها
........................ ما وَدعَتهُم .../ والمسا عنهُم حكى

يوم إنّها راحت ./ بستر حجابها
........................ ليش إنّها جتني من اول ./ وأرتكى

حمل الموده فوق كتفي ./ جابها
......................... شي ٍ ولا ادري / هُو غبا وإلاّ ذكا

.

محمد الفيفي

07-30-2009, 10:59 PM

.

مسانا يا هوى بالي ../ مسا مِنّا الهنا يسرق
............... رحل وجه النهار ./ وباقي الأشواق تنعاني

أماني كانت تْهوجس وترفع لي على المفرَق
............... إشارة حب تدعوني تقول: .../ اليوم تلقاني

وجا الموعد ولا بانت, عيون مْن الهنا تبرق
............... وحار الدمع بعيوني,, رصيف الويل أضناني

وقمت أتسكع بشارع دموعي, والمسا يطرق
............... على أنفاسي ... وأنفاسي من أنفاسي تعَدّاني

وناديت الهوى الغايب, وجاوبني جمر يحرق
............... بقايا العمر, وأوراق الشِعر وأغصان تحناني

.

محمد الفيفي

08-01-2009, 03:28 PM

.

يا مشغل ٍ بال المسا .../ بالمواعيد
............... بالي مثل بال المسا ../ يا مفارق

يا ناعس الطرف المرفرف بالتغاريد
............... قلبي من أسباب الهوى فيك غارق

مابه وصل .. مابه أمل, غير تسهيد
............... والليل جف, وغاضب الموج سارق

ضاقت بي الخطوه , على يابس البيد
............... لون المسا ... غيّب كثير المشارق

تغيب شمس .. وينبت الليل ... تنهيد
............... ويموت غصن ٍ كان بالحيل ./ وارق

.

محمد الفيفي

08-03-2009, 01:42 PM

.

لو نلنا كل اللي نبي ../ بالتمنّي
............... كنت آتمنى .. في حياتي, أشوفك

وأطلبك لو حَلّ المسا ./ ما تغَنّي
............... إلا ّ بحضني .. ساجعات ٍ حروفك

وأغيب في قلبك وأنا بصغر سنّي
............... شعاع, غيّب .. كل شمس ٍ بجوفك

عشق وهيامْ أسرج خيولي , لأنّي
............... نثرت .. طهر العشق, دم ّ بْطيوفك

يابنت وش باقي ... ولا جاك منّي
............... ما باقي إلا آموت قولي : .. لكفوفك

تعبت أصافح همّ ..../ ويجيك عنّي
............... خبر وفاتي ... وماانتهت بك ظروفك

.

محمد الفيفي

08-05-2009, 05:47 PM

.

الدنيا دوّاره ..... وإذا هذا المسا
............... يضحك بوجهك , بكرا يبكي لك أسى

لا تتعبي نفسك جروحك بي تموت
............... كفنتها .... من قبل عامين ... بْعسى

لا تمَثلي .. دور المحب, المنجرح
............... والمركِب اللي خاض بحرك / ما رسى

نفس الطبع / والطبع غالب والأكيد
............... إنّ الكذب .. هو طبع غالب .. بالنسا

.

محمد الفيفي

08-07-2009, 09:09 PM

.

قومي
صكي الباب
خلّينا نعيش
كل حلم ٍ
فارق الأحباب
طيش
مابقى بالعمر
باقي
طّفي شوقي
وإحتراقي
لا تعيرين الظروف
أي لحظة أهتمام
المسا مرّه ويرحل
طالبك
لجل الغرام
المسا لازم يعيش

..................

احضني
باقي الموده
حققي
حلم الصغير
عش عصفورك
تضرر
من غيابك والمصير
خلّي الحلم اللي باقي
يفتح عيونه علينا
ينتهي فينا وينام
لا تعيرين الظروف
أي لحظة إهتمام
المسا مرّه ويرحل
طالبك
لجل الغرام
المسا لازم يعيش

.

محمد الفيفي

08-08-2009, 06:57 PM

.

مساك عوّد / وإنت ِ باقي تروحين
............... حكمة خيالك [ خالف اليوم تُعرَف ]

ودّك تجيبين .. السبت يوم الأثنين
............... وتحققين الحلم .... بإحساس أجوَف

يا بنت / في هذا المسا لك خيارين
............... أما وصل ../ وإلا ّ جفا / قبل نأسَف

نفطر مع َ غيرك ./ وغيرك ملايين
............... صاموا لجل عيني ./ وأعياهم الصَف

يحيَون لجلي / مهما حاصرهم البَين
............... شَوفي لهم .. وإنت ِ بهم ../ ما توقَف

يا غايتي من هالمسا .../ والعناوين
............... تِعْبَت مثل غصن ٍ ../ تعَب كثر ما رَف

.

محمد الفيفي

08-11-2009, 07:37 PM

.

يا عدوّ العمر :همّي شبت بك وآنا صغير
.................... والمسا / ما هو مسانا, بغربته مات النهار

لا يعيش الحب والهم والأمل طفل ٍ ضرير
.................... ضاع من أهله / وقرر : فـ الحياة الإنتحار

الصبر حيله ولكن : ما نفع, وأصبح كسير
.................... من كسور القلب فيني, صار صبر العمر عار

وآنا قررت : ../ الغياب بْفصله المُر الأخير
.................... ودَعَت شمسي ... وأنا لي فيها عِبره وإقتدار

.

محمد الفيفي

08-13-2009, 06:25 PM

.

عطيتك ... كل ما أملك .. من إحساسي وأيامي
.................... خذيت الجور ... من حسك ... لبست الليل بَكمامه

يا أول جرح بجروحي / يا أكثر يأس ب احلامي
.................... عرفتك للمسا ~\ ... [ قصة حزن ] سلّط لي حْسامه

ولوني .. ب َ أرمي اللعبه .. بربك كيف هندامي
.................... أنا طفل ٍ خذا العابه ~ ...../ [ شقا ] والحزن هندامه

يا سُهد الليل / يا أكثر ... وجع في خَطوة اقدامي
.................... حملت بصدري .... الطفل اليتيم .... وشاخت احلامه

أمانه .. كان يظلمني المسا .. قولي له :/ إعدامي
.................... عليّ أهون كثير ... مْن الهوان .... وسطوة ... اقدامه

.

محمد الفيفي

08-19-2009, 05:00 PM

.

صدر المسا
مخنوق من بعدك
وأنا
أشقتني
أحزان الظروف
المزمنه
طفل ٍ تلَعثَم
فوق شمسه
إنما
يأسه مثل بأسه
وبعضه مثلنا
مسا حَمَارَه
في سَمَاره
يكتبه
صمتي وصمته
يمّ قبره دَلّنا
أعظم خَطيّه
في دهاليز العمى
إنك مسا
تخفي معالم شمسنا

.

محمد الفيفي

08-21-2009, 07:53 PM

.

شكيت وما شكيت إلا ّ من هموم ٍ تهد ّ جبال
............... ووعد ٍ صار مثل الما سرابه .... يروي الظامي

بطيش مْن الوعود اللي : تجَرّحني معَ الآمال
............... ولا هي أقبلت لي ... لا .. ولا هي خانت احلامي

خذتني بسحر ألحاظ ٍ / جمعها سحرها المنهال
............... علي .. والمشكله حملي [ ثقيل ٍ] ~./ أهلَك أيامي

وإلى منّ المسا أقبل / عرفت إنّ العمر ترحال
............... أشوفك ..... مثلما الغيمه .... تمر وتجلب إلهامي

تعبت .. أنتظرك لْباكر .. عسى تتبدل الأحوال
............... عسى يتغير ... الدرب الطويل ... يموت .. لوّامي

ولكن دون جدوى .. لا .. كأنّك: تضرب بتمثال
............... وطاح الشارع بحملي ... نَدم .... عضيتها ابهامي

.

محمد الفيفي

08-24-2009, 09:36 PM

.

مسا السّكر .. على شفاهك .. حلاها يسكر السّكر
............... يغار [ النّحل ] وزهور الربيع .... وباقي اشيائك

[ أحبك ] .. حب صافي .. ما يشوبه / شيّ متعَكر
............... تبهرج بَه /~ نجوم الليل .. تستبشر بَه [ ازيائك ]

تعالي .. قبل ما ~/ باب المسا من هالمسا .. يْسَكّر
............... تعبت .... وما تعبت ِ غياب, من بُعدك وضوضائك

كثر .. تفكيري بـْ [ غربة حنيني ] ~../ الأمل فَكّر
............... وصار الفكر ... متوحد ... أملنا .. نصحح أخطائك

ونلقى للوفا [ ديره ] ~./ وما نلقى اللي : .... يتنَكّر
............... ونكسر .... من رغيف الأمس ... نتقاسم صفو مائك

ونكتب ... للزمان المُر .. يا .. مُرّ الزمن [ تُشكَر ]
............... وأصير ...... المستكين اللي : سِكَر من داك ودوائك

.

محمد الفيفي

08-25-2009, 07:59 PM

.

لو المسا يدري عن احوال الأحباب
............... ما كان ~ [ فَرّقهم ] ولا صار قاسي

هذا العصر / شفتك طيوفه ولا غاب
............... إلا ّ .. ورى شمسك .. يدوّر مراسي

[ تعالي ] من جفن الأمل نكسر الباب
............... نلوي .. ذراع .. المعتدي / والمآسي

نوقد شموع الفَرْح من شَبْكَ الأغراب
............... نسرق من الشُهب َ البعيده ... كراسي

يا من كتَب حزني, على صفحة الغاب
............... إحطب .... حروف كتاب حزنك بفاسي

هذ المسا .. ما تربكه ... شرهة عتاب
............... دامك معي ... يا [ كلّ أهلي ] ~ وناسي

.

محمد الفيفي

08-27-2009, 08:58 PM

.

استهلّي .. هالمسا .. بـْ احلى إبتسامه
............... عَلّمي ... نجمات ليلك .... من أكون

وإطردي .. يأسك ... من أبواب النّدامه
............... وافتحي ... للفَرْح .... شبّاك َ السكون

قولي : [ محبوبي ] ~ رجَع لي بالسلامه
............... والأمل / في مبسمه .... سُحب ومزون

إنت .. ِ يا إنت ِ [ أحبك ] ~../ والملامه
............... من ظروف الوقت .... من كثر الطعون

مبسمك .... جيدك .... يعذبني .. غرامه
............... خدّك الباهي ...../ [ وناعِسْة َ العيون ]

للقيامه ..... ~ عهد حبك ~ ..... للقيامه
............... المسا يشهَد ... وشَهدك .... والغصون

.

محمد الفيفي

08-31-2009, 05:22 PM

.

بيني وبينك .. كلمتين ٍ .. ومشوار
............... [ أنا أحبك ] ~..\ والمسافه طويله

في غيبتك عنّي .../ تحَرّيت الاخبار
............... تجيب عنّك .....\ لو حروف ٍ قليله

يوم المسا يلفي \ على روس الاشجار
............... آخذ من احضانك ... عن الكلّ حيله

وإن طال بي ساهر على الدرب محتار
............... أدفا من عظامي ......\ وفي كلّ ليله

وتقول لي : وينك \ ترى العمر لو طار
............... رَجْعَتْه .\ بين يديننا ... [ مستحيله ]

وأقول : حكيك .. كلّه أعذار, بـ اعذار
............... الغايه اللي ....\ ما تبرر .... وسيله

.

محمد الفيفي

09-04-2009, 05:42 PM

.

أصحابنا .. ما فارقونا ... من العام
............... ويومه لفا ... هذا المسا ... إغدَرونا

حنّا ..\ [ شرينا ] قربهم بين الأحلام
............... وهُم رمونا ... للآسى .... ما شَرونا

ما عاد باقي بالحكي ....\ غير الأقلام
............... نكتب [ قصايد ] كم بها ...../ سَهّرونا

كم واعدونا .. بالمسا .. والمسا صام
............... ياليتنا .... ياليتهم .... مآ ... اعرَفونا

الوقت يمشي .. والعُمر ... كلّه اوهام
............... والمشكله ........\ [ آلامنا ما نسونا ]

.

محمد الفيفي

09-06-2009, 06:32 PM

.

إنْ كان ممسى العاشقين .. أثمر الويل
............... وشلون يثمر ... [ خافقك ] ... بالموده

صحيح [ أحبك ] ما بقابي ... ولا حيل
............... بس وين قلبك .... يوم عنّي ..... ترده

يا ما طلبتك .... والمسا كان ... ترتيل
............... صوتك \ وأنا قد لي من الصوت ... مده

وكان الجواب .. اكسر من الهمّ .. قنديل
............... ضوّ الطريق .... وما يجي منك .... وده

قلت ابشري .... والدمع منّي ... هماليل
............... عانقني ...... حتى ...... عانقته المخده

هذي ..\ [ حياتي ] ../ والبقا .. بالتعاليل
............... ذكرى الرخا .... صارت على القلب شده

.

محمد الفيفي

09-08-2009, 08:52 PM

.

لون الشجر يصغي إذا كان مورق
............... ما تعبثه ريح ٍ ولو كان عاصف

كف السما .. من كفك اليوم تَعرَق
............... قصة حنين الغصن \ بعد السوالف

أغصان تتعانق .. مِن الحب تَغرَق
............... تسكب عطرها بالمسا \ والعواطف

يا ليتنا .. وسط الحدايق .. ونطرق
............... أبواب زهر ٍ ../ حولها الفُلّ عاكف

نلبس هناها ..... والهنا يوم يشرق
............... نقسمه ... بين قلوبنا [ بالتحالف ]

يكفي تعبنا .. والتعب , صار يسرق
............... منّا العمر .... والعمر, بالحيل تالف

.

محمد الفيفي

09-12-2009, 08:24 PM

.

خَطَبت ودّك .. والمسا كان صاحي
............... خَطَفك منّي / وأشغل البال بوعود

أقول : باكر .. والأمل مَعْ جراحي
............... يقول : باكر ...\ ينثر العَلقَم ورود

والشّك يطلق \ أو ما يطلق سراحي
............... قيدي غيابك ... لكن الوصل مفقود

قلّي : أنا, وشلون ابقوى .. رياحي
............... والشمع يطفى \ والعمر صار معدود

يا ما تحَمّلت الصبر ... من كفاحي
............... ويا ما عَذرتك .. والخطا منْك ممدود

هذا المسا .. يكتب .. ولا فيه ماحي
............... إلا ّ عيون ٌ [ سود ] وأحلامها \ سود

إنْ حاولت تبكي .. تعَطّل .. جناحي
............... والضحك لو هو جا لقى الدّرب مسدود

.

محمد الفيفي

09-14-2009, 08:37 PM

.

مَوتي .. مابين الكاس وأعذب شفاتك
............... الريق خمره .. أشغل النّاس .. بالكاس

حتى الشفق \ في هالمسا .. له صفاتك
............... غاب النّهار ... وطَلّت ... عيون نُعّاس

وصلك [ غناتي ] , وأدري إنّه / غناتك
............... داعبت طيفك .. في سما الحُب \ نسناس

غار المسا .. من ضحكتك .. من حلاتك
............... من ريحة الفلّ ... [ المعتق ].. بالأنفاس

اخذيني ... امكَمّل ... بعَض ... أمنياتك
............... مابي أكون .. الأمنيه .. لك .\ والإحساس

يكفيني .. لو قلتي : طلب \ قلت : جاتك
............... الشوق ... يَحطب .. والأماني, هي الفاس

.

محمد الفيفي

09-18-2009, 07:45 PM

.

للمسا [ قلبين ] والثالث / أنا
............... كلّهم خانوني ... في دنيا الفنا

وأبعَدوا مثل الأفق, وأبعَد بعيد
............... والوصل خانته رجله ... عندنا

يوم رَوّح من هناك السلّوه جَت
............... قلتها .... والجرح عَوّد من هِنا

يعني ما في فكه من هذا الغرام
............... وليتَه الجد,/ اللي : يحفظ عَهدنا

الحسافه .. والملامه ... والعناد
............... كلّها فيني .... وحلمي .... أنثنى

يا مسا .. يكفي .. تكَفْنّا / وداع
............... الحزن شيّب, على بابي .... وأنا

.

محمد الفيفي

10-03-2009, 07:19 PM

.

أنا ما قد عرفت إلاّ عيونك والمسا أصحاب
............... ولا قد عانقت عيني سوى [ مبسمك ] يا عيني

أحبك تشهد أنفاس البحر تشهد علي الألباب
............... كثر هذا الألم فيني .. عجزت أحجبه ../ بيديني

وشوقي لك كبر هذا المدى لا تسأل الأسباب
............... كذا حبيت ... طلتك ... البهيه .. والعَطَش فيني

صحيح إنّ المسا معتم بدونك والفرح أبواب
............... عليها [ أقفال ] من مُده ... وعيّت .\ لا تخاويني

ولكنّ السما تضحك ... وأنا متفائل ومرتاب
............... أخاف تْمرني الغيمه ... جهل ... تجهل عناويني

يطيح مْن المسا ثوب النهار \ ويرجع الغُيّاب
............... غريب الموقف اللي ما .... عطاني نظره تشفيني

.

محمد الفيفي

10-07-2009, 05:48 PM

.

المسا نظره .. وبسمه .. وإشتغال
............... بالهوى / اللي صار فيني .. يحتريك

صرت أحبك صرت لي صعب المنال
............... صرت [ طفلك ] قلبي لعبه / في يديك

كم سهرتك .. أرتجي منْك .. الوصال
............... والظنون .. تْجيب .. وتودي .. عليك

كم لمحتك .. طيف ... في دنيا الخيال
............... أرشفك .. وأضحك , وأنا كلّي .. إليك

الهوى .. فيني .. جنوبه ... والشمال
............... ومن [ خزامى نجد ] أنت ِ / وناظريك

فيها ... سحر الشرق .. فيها .. إمتثال
............... [ للمسا ] .. [ للعطر ] ... للي مشتريك

إيه أبيك ... أنت ِ .. على كل الخصال
............... أعتليتي فوق ... إنت ِ إيه ... [ أبيك ]

.

محمد الفيفي

10-23-2009, 06:06 PM

.

مساك أحلى من النسمه, في جو ٍ ممطر ٍ وأكثر
............... عناقيده [ وَلَه ] وأكثر مِن أنفاس ./ [ الوَلَه ] فيني

شبابيكه ../ عصافيره .. تغني [ أجمَلَ المنظر ]
............... وشلاّل الهوى , ينزل .../ وتثمر بَه ...\ شراييني

مدينتنا [ الرياض ] \ أحيت طيوفك والورد أحمر
............... بساتينك .... على جال السما .... تضحك بساتيني

وخوفي هـ المسا يرحل ويترك لي الورق أصفر
............... تغيبي .. ما تعودي ... من قرأ .. بعدك / دواويني

تعالي شفت [ وجهك ] في غيوم مْن الطهر يمطر
............... ومن أرضي ... إلى أعلى .. مكانك / رسم ْ تكويني

أمانه قولي : / للممسى ... على حد الشفق ينطر
............... أبلحق ... شمسك .. الخجلى .. وأعانقها .. وخَليني

أساهرها .. بدمعي يوم دمعي, للبحَر [ مَصدر ]
............... وأعَلّمها ... بعشق ٍ, صار ... ما بين السما .. وبيني

.

محمد الفيفي

11-08-2009, 08:45 PM

.

علّميني / [ للمسا ] عندك حكايه
............... للغرام .. اللي : جمعنا .. أو تغيّر

كنّ في عينك .. ملامح .\ للنهايه
............... والأمل [ لغز ٍ ] .\ على كفك محيّر

إيه [ حبيتك ] ./ وعنوان الروايه
............... لا تجافيني ... ترى قلبي ... مسَيّر

صدقيني / أصعب إحساس البدايه
............... مِنْ عشق, [ مجبور ] لا ماهو مخيّر

.

محمد الفيفي

11-14-2009, 06:21 PM

.

المسا .. والحُب .. وأنفاس الخزامى
............... كلّهُم ../ [ لهفه ] ... ينادونك ... تعالي

ودهم .. يحظون / مِنْ سحر ٍ تنامى
............... في عيونك .... في يدينك .... في خيالي

تشغلين الورد .. عنْ عِطرَه وإذا ما
............... صار منّك ... جا / لي مِنْ صَدّك شكى لي

إيه .. طيبك عفوك وصفحك تسامى
............... للسما .. يا [ غاليه ] ../ عَنْ كلّ ..\ غالي

صدقيني .. ما على مثلي ... ملاما
............... لو [ سهرتك ] ....\ بالأمل ... طول الليالي

.

محمد الفيفي

11-19-2009, 06:19 PM

.

أحلى مساء بْسحرك أنت ِ وأنا فيه
............... تعطين للمغرب فَرَح ... بَعد حزْنَه

هبوبه البارد .. أخذني , بـ أياديه
............... معطفه شالك ../ والدفا صار حسْنَه

أرمي عيوني للسما [ طيف ] أناديه
............... جاوبني, طيفك قالت السحب : مزْنَه

الغالي اللي : ما كسبْ [ ودّ ] غاليه
............... يموت ... بس يلقى من الود .. حفْنَه

وأحلى العمر يوم إنّك, إنت ِ أماسيه
............... له في [ جبين الكون ] ثقله ./ ووزْنَه

.

محمد الفيفي

12-03-2009, 06:28 PM

.

غُيّاب .. عَنْ وجه .. النّهار .. و ما بقى
............... إلا ّ .. [ جلابيب المسا ] .. فيها .. صفار

تاخذ ... مِنْ .. الفرقا .. عيون ٍ .. للشقا
............... وتنوح ... لَه ... وَرقا ... ويتكَلّم ... جدار

من .. أول .. الماضي .. إلى , وقت اللقا
............... كذبة .. عواطفنا ... مثل ... كذب .. الصغار

والحُب .. كلّه ../ [ كذبه ] لو كانه , رقى
............... لابد ... ينزل ... لليباس ... مْنَ ... الخَضَار

اسألني .. كَمْ .. جَرّبت .. كاسه .. وإلتقى
............... كاس ... المنيّه ... فيه .. [ وأسدلنا الستار ]

.

محمد الفيفي

12-14-2009, 07:02 PM

.

كل العيون ... اللي : حواليك .. فيها
............... إعجاب .. مِنْ, نظره .. وإعجاب فِطره

وأنا .. عيوني .. / في غيابك .. عليها
............... غيره .. بنار الشوق .. وإحساس حسره

منثور .. دمعي .. والأماني .. [ خذيها ]
............... وشلون ... وإنت ِ .. كل الأحلام .. نَظره

هذي .. السما .. وقت, الشفق .. يعتريها
............... لمحه .. من , شْفاتك .. بشَهد ٍ .. وجَمره

لمّي ... بقايا ... هـ المسا ... وأشعليها
............... جوع ٍ .. توارث بي ... على القل ... كَثره

[ صفحَة بياضك ] / ... شَكّلتني ... يديها
............... قوتي ... من ... شْفاهك .. حنانك .. بقطره

يا .. [ فاتنه ] .. هَذي , حياتي .. عَطيها
............... من .. أكسجينك .. عاشقك .. شاف .. قبره

.

محمد الفيفي

12-17-2009, 06:54 PM

.

أخت الغياب .. أنت ِ
وأنا .. ماسألتك
ليش غبتي ؟!
رغم هجرك ..
رغم نسيانك وصدك ..
والسراب ..
لكن إنّي طالبك ..
هذا المسا ..
لحظه تعودي ..
مو عشانك .. أو عشاني ..
أو لجل .. تحيا ورودي ..
إنّما لجل المسا ..
هذا هو آخر مسا ..
في دفاتر هـ السنه ..

* * * *

أدري إنّك لاهيه ..
والوقت يسرق ..
والسنين اللي تعيش الحُب ..
تَفْرق , أو تفَرّق ..
والعُمر فرصة تلاقي ..
وإنت ِ مشغوله .. في ذاتك ..
والشبابيك الحزينه ..
ما تموت ..
حتى لو كانت تعاني ..
ما سألتي كيف صارت ..
صدقيني ..
هي بيوت ..
عاشت وصارت أماني
من خيوط العنكبوت ..
ولو عشاني ..
لا تعودي ..
إنّما لجل المسا ..
هذا هو آخر مسا ..
في دفاتر هـ السنه ..

* * * *

وإن عطيتي ..
هالمسا من جزء وقتك ..
يعني جيتي ..
آخر أوراقي حنيني ..
أجمعيها وأحرقيها ..
في نفس ذاك المكان ..
يوم ضمّينا يدينا ..
وقولي : في رقه وتيه ..
ما علينا ..
وإنْ جفيتي ..
يعني ما جيتي ..
بسامح ..
وأخلق أعذارك
نسيتي ..
وفي هبوب الريح ..
بأرحل ..
وأحلف إنّي ما أصافح ..
غير دمعي لو يطيح ..
ومو لأجلي ..
لا ولا هذا المسا ..
لجل أدفن ..
آخر إحساس الأسى ..
وعنْك أسافر ..
من دفاتر هـ السنه ..

.

محمد الفيفي

12-18-2009, 07:51 PM

.

هذا المسا .. [ عاشر مسا ] أعذرك فيه
............... لا شك .. ما .. يكفي .. سوى .. حَدّ فاصل

بعض التمادي .. يتعبك .. وأنت , تعطيه
............... غلاك .. لكن .. : / صار .. مثل .. العواذل

زرعت .. لك .. إحساس .. بيّن .. مباديه
............... وحصدت , / [ هجرك ] بعد .. كلّ .. السنابل

الحنظل .. اللي : / كنت .. لجلك .. أداريه
............... أسدَل .. على, .. شْفاه .. الوعَد .. بـ القنابل

أعظَم .. [ خطأ ] .. تشوف نفسك, من التيه
............... إنّك ...| مُنَزّه | ... والخطأ ... منْك ... حاصل

حكمه ... وخذها ... مِن ... تغَلاّ ... نخليه
............... والورد ... بـ الإهمال ... تلقاه .... / [ ذابل ]

.

محمد الفيفي

12-29-2009, 08:52 PM

.

حِطي [ رحال الوجد ] / فيني .. وروحي
............... هجرك ... / | تعوّدته | ... بعدله ... وميله

مابه .. شقا .. هذا .. المسا , في جروحي
............... الجَرح ... ما يؤلم .. إذا .. [ مات ] ../ حيله

أهديتك ... أغصاني .. كسرتي .. طموحي
............... وادي الهوى ... ما يرحم .. إنْ .. سال, سيله

تتلذذي / ... تعذيب ... قلبي .... \ وروحي
............... والذلّ ... \ عنوان ... الهوى ... في ... قتيله

يا , غانيه .. لو .. سَرّك .. أعلن .. نزوحي
............... عن .. دارك .. اللي : / مظلمه ... كلّ ... ليله

لا .. تسألي .. عن, سرّ .. إحساس .. بوحي
............... وأبوعدك ... ألقى ... لي ... غيرك .. [ بديله ]

.

محمد الفيفي

01-06-2010, 07:54 PM

.

في موعدك , والساعه .. مـَ توافق .. أبد
............... في مجلسك .. غربه .. وفي .. كل .. الفصول

في .. جَيّتك .. للعين .. من برقك .. رَعَد
............... في غيمتك .. شحّك .. وبـ الدنيا .. / [ ذبول ]

من .. يعشَقك ... للموت ... تبنين .. اللّحَد
............... لا , ما , يهمك ... شيّ .. غيرك .. يـَ , البتول

عمر المسا .. [ أرذل ] .. ولا, شاف الوعَد
............... لـ البَين .. ودّه ... لو ... فقد ... كل ... الحلول

بين ... التوجد ... والفَرَح .. لحظة .. شَهَد
............... ما ذاقهَ , إلاّ : [ حاضن ] / ... الرمش ... الكسول

أمّا .. أنا .. من يومي .. [ طفل ٍ ] .. بالمهَد
............... حظي ... مخاصمني .... ومن .... حولي ... سيول

.

محمد الفيفي

01-08-2010, 05:39 PM

.

علميني ..
كيف أقاوم هـ المسا ..
والبرد قاسي ..
وأنتي لي أهلي وناسي ..
والمسافه ..
شَكلت أطول زمن ..
بيننا ..
والثمن , حزن ومآسي ..
يا خجوله ..
مدري مغروره بسنّك ..
أو بوجهك ..
لمّا قال : الكل عَنّه ..
فيه .. من عمر الطفوله ..
أدري عاندك الميول ..
أدري فيني ..
صرت لأحلامك رسول ..
إحضنيني ..
وإزرعيني ..
بسمه في كل الفصول ..

* * * *

من على شفاهك أغاني
كل فرحه أجعليني ..
لا تخليني أعاني ..
والسنين ..
طبعها قاسي وجاني ..
هـ المسا لك ..
كل من حولي نساء
وغانيات ..
لكن أنتي أعتليتي ..
كل عرش الفاتنات ..
وكل شي ..
في هـ المسا لك ..
من مكانك ..
حتى آخر عالمك ..
هذا زمانك ..
أدري عاندك الميول ..
أدري فيني ..
صرت لأحلامك رسول ..
إحضنيني ..
وإزرعيني ..
بسمه في كلّ الفصول ..

* * * *

وإنتظارك ..
آهـ من جمر إنتظارك ..
لو يطول الوقت وإلا ّ
كل هجر الكون زارك ..
ما علي ..
باقي في نفس الطريق ..
أجمع الدمع الحزين ..
وأغرسه على الرصيف ..
دمع مسكين ٍ كفيف ..
جنب دارك ..
وأرسم العشق العتيق ..
حتى يفنى الوجد ..
عندي ..
ولو أموت ..
ما عليك ..
الكَفَن وصيت جارك ..
لا يعاندك الميول ..
أدري فيني ..
صرت لأحلامك رسول ..
إحضنيني ..
وإزرعيني ..
بسمه في كل الفصول ..

.

محمد الفيفي

01-13-2010, 06:30 PM

.

ظللي .. مرفاي .. وإسقيني , عذاب
............... دام .. جرحي .. منْك .. يا زينه .. هلا

في تفاصيل .. المسا .. لحن , الغياب
............... غَنّ لي .. يا شوق .. من .. كثر , الغلا

طوّق .. الأحزان .. من غيمك, ضباب
............... المسا ... وإيّاي .... / أعْلَنّا ... [ الولا ]

لكْ .. وكلّ .. اللي : بقا بي .. إغتراب
............... ما .. | أخونك | .. لو .. يخونون .. الملا

عندْ ... شبّاكك ... وقَفْت .. ولـ الإياب
............... قصة ... أهل الكهف .... وإلا ّ .... كَرْبَلا

.

محمد الفيفي

01-19-2010, 05:44 PM

.

نضيْع .. ونرجع نْعاهد , بعضنا , ما نخون الشوق
............... ونتكلّم .. [ جفاف ] .. / ونحطب .. الحسرة .. وننزلها

من أفراح العمر, رغبه .. تجَلّت, فـ السما بشروق
............... على, باب المسا .. ماتت ... خذلها .. مِنْ .. [ يغازلها ]

على , خْيوط الشفق , رسمه , أصابعها ندى مسروق
............... من , أزهار الشباب .. اللي : توارت ... خلف .. عازلها

أحبك .. ضحكة الكِذبه , / أحبك , ما بقى , لـ الذوق
............... معَكْ ... رَحمه ... مِنْ , الزحمه \ ... ووَدعْتك .. منازلها

من , أحزاني, رَجَعْت الأمس , أنادي والصدى محروق
............... أخَذْ , منّي ... [ حياتي ] ... / والتعاسه ... فيني .. يَغزلها

وداعك .. خير , مِنْ إنّي : [ أموتك ] \ وأشغل المنطوق
............... بصدق البوح .... وتجاوب .... / معاني .... بان ... هازلها

.

محمد الفيفي

01-29-2010, 08:02 PM

.

دقي .. / مسمارك .. على نَعش المسا
............... وأقفلي , [ بابك ] .. / على, وجه الجريح

بين , طيّات .. الزمن , / حطي, الأسى
............... والخطأ .. فوق الخطأ .. قولي : [ صحيح ]

جثة المُغرَم .. \ على , ~ صدر , النّسا
............... قبرها ... / نهدين ... مِنْ .. ذم ... ومديح

[ عاقبة حُبك ] , / .. تجرّ اللي :~ رسا
............... لـ الجحيم ... / وتجعَل ... العالي ... يطيح

واقعي .. في , واقعك .. كلمة [ عسى ]
............... نرفض ... الأسلوب ... والمعنى .. / صريح

ولو , / مسانا .. بعد , مسمارك .. نسى
............... كَفّني , \ ... بعضي .. ولو , / كلّك .. شحيح

.

محمد الفيفي

02-04-2010, 08:02 PM

.

حياتي , فيك .. أضعَفْ , مِنْ الموت وأكثَر
............... والموت ... [ أضعَفْ ] , / مِنْ .. محَبة .. فؤادي

أقولها .. بالسّر .. [ أحبك ] ... / ~ وأجهَر
............... مِنْ ... قوّة ... الصَرّخه .... / ~ تغار ... الأعادي

حناني , اللي : / مِنْ ... | أناملكْ | \ ... يَكبَر
............... وتغيثني ... لو , ... كان .... هَمّي .... / ~ بعادي

زرتكْ .. حلم ْ .. شفتكْ .. أمَل .. كلّ .. مَظهَر
............... حتى ... المسا ... / زارك ... وأخذ ... مِنْك .. كادي

عادي ... عذاب الحُب ... / والحَظ ... الأقشَر
............... [ هيهات ] ... / ... لو ... عَنّي ... تروحين .. عادي

خذيني , في .. سجنكْ .. لو , العمر .. أقصَر
............... مِنْ ... فَكْ .... قيدي .... / ~ لا .... تفكي .... قيادي

.

محمد الفيفي

02-11-2010, 07:47 PM

.

طيفك , وطن غربه .. مسا كسره اللوم
............... وأنا , [ مسافر ] .. شوق .. ما عادوا الخلان

على الطريق أشباه .. ما يشبه المحروم
............... غيري ... وأنا المحروم ,/ يا, مسعف الحيران

للحاضرين عيون , وأنا .. كثير الصوم
............... يشمتْ بي .. الجلاّس ... تعصف بي , الأحزان

بيني , وبينك .. نار , ما تنطفي لو , يوم
............... سنا , جَمرْها .. لاذ .. بين .. المسا , / لـ الآن

لو .. للصبر أنفاس .. مات , وكتب للنوم
............... وصيّته : / ~ [ رِفقا ً , / لا تهلك ... السهران ]

ما .. للأمل إنسان .. يحسّ .. بـ المغروم
............... وش حيلة ... العطشان .. وما , للمطر ... عنوان

مهما , زَرَعتكْ .. [ ود ] .. نتيجته , معلوم
............... ما .. تنبت ... الأشواق , والأرض ... مِنْ هجران

.

محمد الفيفي

02-15-2010, 07:37 PM

.

في , مواعيد المسا .. يبقى الحذر
............... لو , تطيح الشمس .. مِنْ عند الغروب

لَفّ ليلي , [ صَمتْ ] وعيوني سهَر
............... والغيوم .. تْفَرّقَتْ ... صوب .. الجنوب

إذكريني .. لو / [ مسافتنا ] .. سَفَر
............... وإحضني .. عِطري , مَعَ نسمة , هبوب

المَحَبه ... ما , / تجي ... إلا ّ .. قَدَر
............... وقتها .. لو , حان .. ما, مِنْها .. هروب

كلّ .. قَطره .. للنّدى .. فوق .. الزهَر
............... هي , حكاية .. عِشق ... ما , تَعْرِف تتوب

وآنا .. في , وصلكْ .. شكيتكْ , / للقَمَر
............... وأشتكتني .. [ غربتي ] بـْ كل , / الدروب

يا ... معَذبني ... / ~ مواعيدكْ ... قَهَر
............... عند , / غيري .. تهتني .. وعندي .. كذوب

.

محمد الفيفي

02-27-2010, 08:27 PM

.

في ملامحك .. الخجوله .. إحتضار
............... لي , / وسهم الحُب , مِنْ عينك , يصيب

[ إفترقنا ] .. لَكن طْيوفك .. حِصار
............... آه , مِنْ .. قيدكْ ... وحَظه .. ما , يخيب

المسا .. ياخذ .. مِنْ أوجانك .. نهار
............... ومن , سواد الليل , / لعيونك .. [ نصيب ]

يا , [ حبيب الروح ] .. طال , الإنتظار
............... والأماني ... / عَوّدت .... مثل .... الغريب

والبساتين , اللي : ~ عانقها .. الخَضَار
............... أجدبتْ ... بَعْدك ... وما .. / بَعْدك ... حَبيب

يا , / بعيد .. الدار .. في , قلبي .. دمار
............... رمم ... أضلاعي ... وحاول ... ما ... تغيب

ما , يطيب .. القلب .. لو, جاه .. إنكسار
............... كـَ الزجاجه ... كسرها ... لا .. ما ... يطيب

.

محمد الفيفي

03-11-2010, 08:05 PM

.

كلّ , / ليل ٍ .. للعقل .. شرّ .. وجهَل
............... لا , قَمر .. يسأل .. ولا , حتى .. نجوم

والغبا .. في ذا المسا .. يمحي , الأمَل
............... مَعْرِفه .. لو , / تدّعيها .. ما .. [ تعوم ]

المطيّه .. [ ذلّ ] .. والصاحب .. حَمَل
............... كل ّ , ما يُحكى ... مِنْ ... الأخطاء .. لَوم

ما تدوم .. النّظره .. مِنْ عين .. الوَجَل
............... [ والنّعيم ] / ... اللي : تكَلّم ... ما ... يدوم

في , سبيل .. التضحيه .. نجمي .. أفَل
............... وكلّ , شي .. حولي .. هَزمني .. بـ الهموم

كلّ, مَنْ .. سارَ .. على .. الدربِ وصَل
............... إلا ّ.. قلبي ... ما .. عَرَف ... للراحه .. يوم

.

محمد الفيفي

03-18-2010, 07:58 PM

.

خذيتي .. كل شي .. إلا ّ , عذابي
............... وليتكْ ... ما ... تركتي .. لي , / عذابي

رَسَمتكْ بـ الأفق بَسْمَه .. وصوره
............... وأبواب ... المسا ... تَطرق ... [ غيابي ]

تعلّمني .. غيابكْ .. / حان .. وَقْتَه
............... وأنا ... / ما ... بين ... شبّاكي .. و بابي

سألت .. المنتظر .. عَنْك .. وسألني
............... عَن .. / أسباب .... إنتظاري .... وإكتئابي

وعَلّمتَه .. عن , إحساس .. المعَذب
............... وعَنْ .... [ ضيقه ] .... / تمَللني .... ثيابي

وأطرَق .. رأسه .. ودَمعَه .. يحاكي
............... دموعي ... والهوى .... [ ضَيّع ] .... شبابي

وناديت , المسا .. خذني .. بحضنك
............... نهار .... الحُب ... ما ... لَحظَه ... رضا بي

.

محمد الفيفي

03-24-2010, 06:18 PM

.

أنزعي من أرضكْ .. البور .. السّلام
.. .. .. .. .. .. ما , / بقاله .. في , [ دياركْ ] .. لو , عَلَم

تنصبين الغَدر .. مِنْ .. خَلف , الخيام
.. .. .. .. .. .. بعدها .... تأتين ... | تشكين | , / ... الألَم

طَبْعك .. المعروف .. في , ثوب الهيام
.. .. .. .. .. .. لو , ستر ... بَعضكْ .. فَضَح , بَعضكْ .. نَدَم

العَدَم .. [ قربكْ ] / .. وسَلّمت .. الزمام
.. .. .. .. .. .. لـ الزمان ... اللي / دفَن ... ماضي ... العَدَم

[ المسا ] , / بَعْدَه ... نهار ٍ ... والظلام
.. .. .. .. .. .. شَقّ ... وجهه ... نور ... ما , خاف ... اللّمَم

مِنْ .. ظَلَمْ .. نَفسَه .. تبع .. وَبْلَ , الغمام
.. .. .. .. .. .. كلّ شي , / " زائل " ... [ ويُستَفتى ] / .. الوَهَم

.

محمد الفيفي

04-02-2010, 07:43 PM

.

أشوف ..
[ النّحْل ] متجَمّع ..
على شْفاهكْ ,
وهُو , غاضب ..
يقول : إنّك ..
سرقتي ..
مِنْه , شَهْدَه ..
والمسا , مظلم
,
وأنا , [ عاشق ] ..
ولَكنّي ..
مَعَكْ ...
في صومعَة راهب
.. .. .. .. .. .. أشاهد حولك العالم
وحسي بالأمل ..
مسلم ..
,
زمان , أوّل ...
تحَوّل لي ..
كفَرت , بْحبك .. الغاصب ..
.. .. .. .. .. .. حبستْ , الويل ..
وإحساسكْ ..
وصار , البعد ..
.. .. .. .. .. .. لي , مُلّهِمْ

.

محمد الفيفي

04-21-2010, 07:56 PM

.

[ المسا ] غَلّف .. بساتينَه .. سواد
.. .. .. .. .. .. حظي , العاثر ... بدربي / ... يستزيد

كلّ, فرقا .. ما , تجي .. إلاّ .. عناد
.. .. .. .. .. .. ما , كفاك ... الدّمعْ ... وأحزان القصيد

إيه , من قبل الزرع .. بان , الحصاد
.. .. .. .. .. .. | كبريائك | ... مثل ... إحساني .. يزيد

لو , عيونك .. تلتفت .. لي .. بالوداد
.. .. .. .. .. .. لَحّفَتْ .... جرحي ... ولو وصلكْ ... بعيد

صرت , أتحرى .. الأمل .. بعد, النّفاد
.. .. .. .. .. .. وأشتري ... لي , ضحكه .. مِن فَم , الوليد

عَلّها , تشفيني, مِن .. [ بانت .. سُعاد ]
.. .. .. .. .. .. المهم .... الحزن ... ما , / يرجع ... جديد

المسا .. وأنت ِ ... وأنا ... بعد ... البعاد
.. .. .. .. .. .. [ أجنحة مأتم ] .... على .... خَد .... الجليد

لو ... علي ... ما , كنت أقَصّر ... بالجهاد
.. .. .. .. .. .. البلا ... ضربي .... على .... قلب ٍ ... حديد

.

محمد الفيفي

04-27-2010, 10:22 PM

.

هذا , المسا .. جَدد , شبابه .. هيامه
.. .. .. .. .. .. تْبَسّمَت ... نَجمَه .... وغَنّتْ .... [ حمامه ]

واليأس , وَدّع .. إمتعاض .. الأماني
.. .. .. .. .. .. والياسمينه ..... صافحتها ...... / [ غمامه ]

والعيد ... أقبَل ... بالثياب ... الجديده
.. .. .. .. .. .. وأرسل .... شذا .... نبت الخزامى ... سلامه

وتسابقت ... كلّ ... القصايد ... تغَزّل
.. .. .. .. .. .. والزهره ... سَوّتْ .... فـ السما ... كَمْ علامه

والعاشق اللي : كان .. يبكي .. ويشكي
.. .. .. .. .. .. رَسَمْ ... على ... وجه .... الزمن .... إبتسامه

كلّ .. الحكي .. أعلاه .. بأسباب , واحد
.. .. .. .. .. .. [ ظَبيَه ] ... يوَدّع .... مِنْ .... رءاها .. صيامه

وأنا , أشهد .. إنّي .. صرت فيها , مُتَيّم
.. .. .. .. .. .. ما ..... شفتها .... إلاّ .... بـ رسائل .... يمامه

يا ... تعتق ... القلب .. وتخَلّي .. سَبيلَه
.. .. .. .. .. .. وإلاّ .... الوَعَد ..... يوم .... الفصل .... بالقيامه

.

محمد الفيفي

05-20-2010, 09:14 PM

.

عَلّقيني .. أكثر , أكثر .. في .. هواك
.. .. .. .. .. .. واحضني , قلب ... العنا ... لا ... تتركيه

لو , قضيتْ .. العمر كلّه .. في رجاك
.. .. .. .. .. .. ما , يهمْ ... أتعَب على ... [ غالي ] .. أبيه

المسا , ينثر ... عطوركْ ... مِنْ شفاك
.. .. .. .. .. .. وآنا ... ألثم .... نسمتَه ... / وأكتبْ ... إليه

مِنْ , دمائي .. إيه أحبكْ .. خذ .. معاك
.. .. .. .. .. .. بعض ... يأسي .... قلّه : إنّي ... [ مشتريه ]

طالت .. الغيبه .. وأنا .. ماشي .. وراك
.. .. .. .. .. .. شاوري ... بيَدّك ... رفع .... نبضي .... يديه

رَوّي , عروقي .. وفا .. [ محتاج ] , ماك
.. .. .. .. .. .. دَلّلي ..... طفلكْ ..... | حرام | / ..... تْهمشيه

ما .. يموت .. القلب .. إلاّ .. لو .. سماك
.. .. .. .. .. .. يسقي .... الغير .... الهوى .... وآنا ... أشتهيه

أغرسي , سيفك .. إذا ... الموعد ... جفاك
.. .. .. .. .. .. وسط ... صدري .... وبالقبر ... دوسي ... عليه

.

محمد الفيفي

05-30-2010, 10:21 PM

.

جاوبي , صَرخة .. حنيني .. بالوصول
.. .. .. .. .. .. داخل ... أطرافي ... [ وضمّيني ] ... كثير

تِعْبَتْ .. آمالي .. تدَوّر .. لك ... حلول
.. .. .. .. .. .. والمسا ... حزنَه ... مثل ... حزني ... كبير

أفتحي , بابك .. مِنْ .. النّسمَه .. رسول
.. .. .. .. .. .. ينقل ... أشواقي ... / ويبدأ .... بـ , الأخير

[ لا , تخلّيني ] .. على .. شَطّ .. الذهول
.. .. .. .. .. .. ردي .... جنحاني ... مَعَك .... ودي ... أطير

أرسمي .. لوحه .. من .. أنفاسك .. تقول
.. .. .. .. .. .. أعشقك ..... أهواك / .... أحسبك .... المصير

العمر ... ما ... يمهل ... الواقع ... فصول
.. .. .. .. .. .. والفَرَحْ .... لو .... طالت ..... أيامه .... قصير

.

محمد الفيفي

06-05-2010, 07:45 PM

.

كلّ .. حلمي , أنت ِ.. لو , جاد .. المسا
.. .. .. .. .. .. بالشقا .... والحزن ... / والحَظ ... الخَلي

فتنة .. الواقع .. معي .. و [ كل النّسا ]
.. .. .. .. .. .. في ... عيوني .... جاوبي ... لا ... تسألي

ليه , إذا ... ناحت ... عصافيري .. أسى
.. .. .. .. .. .. في , وجيه ... الريح ... ما , خفتي ... عَلي

[ شاعرك ] , أضناه .. بُعدك , والـ عسى
.. .. .. .. .. .. تجرح .... بْصدري .... \ وصدري ... ممتلي

ودي .. أفهم ... موعدك ... لو ما ... رسا
.. .. .. .. .. .. داخل , أوطاني ... متى ... لي ... [ توصَلي ]

بعد ... تلويعي ... وذكرى ... مِنْ ... نسى
.. .. .. .. .. .. ما .... أظنّ .... [ اللّيل ] ..... هذا .... ينجلي

.

محمد الفيفي

06-08-2010, 08:11 PM

.

لونُ المساءِ أتى , في كِفّة ِ الغَزَل ِ
.. .. .. .. .. .. نسجُ الحروف ِ ولو .. أفضى إلى , وجَلِ

أراك ِ تَشّكِينَ , مِنْ جُرح ٍ تُعَذبُني
.. .. .. .. .. .. شكواك ِ .. لا , تشتكي .. مِنْ , قِلّةِ الحِيَلِ

عودي ... مساءً إلى الآفاق ِ غايته
.. .. .. .. .. .. لا , تهدمي .. القلب .. بالأحزان ِ , والعِلَلِ

مثواك ِفي وطني , لا تتركي وطني
.. .. .. .. .. .. قلبٌ .. بغير ِ, هوى ً .. نَبضٌ .. بِلا .. أمل ِ

أنت ِ , الربيعُ .. إذا .. نادتكِ مُبتسِماً
.. .. .. .. .. .. [ نسائمُ ... المُزن ِ] .... بالتّذكارِ .... والبللِ

وفوقَ , ثغرك ِ .. شوقُ الشّعرِ أسكبُهُ
.. .. .. .. .. .. لـِ أخطُبَ ... الودَ .. رشفاً .. في رُبى العَسَلِ

أنت ِ العيونُ , وعينُ القلب ِ.. واحِدةٌ
.. .. .. .. .. .. لَبّستُها .... فيك ِ... أرجوكِ ... على ... مهَلِ

سُبحان , مَنْ جعَلَ المنطوقَ فيكِ شذىً
.. .. .. .. .. .. بديعُ ... حس ٍ ... بطيب ِ .... القول ِ... مُتّصِلِ

لا تُنكري [ حاجتي ] , لا تقطعيها يدي
.. .. .. .. .. .. مَدَدْتُها .. | خائفاً | ... مِنْ ... سُرعة ِ ... الأجَلِ

.

محمد الفيفي

07-10-2010, 07:52 PM

.

مثلما , شمسي .. يكفنها المغيب
.. .. .. .. .. .. أنتِ ... كَفّنْكِ ... المسا ... بْثوب ... الغياب

شَيّعكْ .. نبضي وعَوّد لي غريب
.. .. .. .. .. .. يذرف .. [ الدمعه ] ... على .. فَقد .. الشباب

يا سوالف .. كانت بْدنيا , الحبيب
.. .. .. .. .. .. أشعَلَتْ ... بي ... نار .... وأسقتني ... عذاب

إيه حَبيتك .. وعاندني .. النّصيب
.. .. .. .. .. .. والجليد .. إنْ .. جاه ... فصل الصيف ... ذاب

ما , عَرفت إلاّ أوَدي لِك .. وأجيب
.. .. .. .. .. .. [ بالشّعر ] / ... لَكن ... على ... خَد ... الكتاب

تسليه .. لـ اللي : مثل حالي كئيب
.. .. .. .. .. .. [ أُمنيَه ] ... \ يمكن ... يوَصّلها .... | السراب |

داء قلبي , أنت ِ وَحدكْ .. والطبيب
.. .. .. .. .. .. [ أنت ِ وَحدكْ ] .... أفتحي .... لـ الحُلم ... باب

.

محمد الفيفي

07-21-2010, 09:23 PM

.

الهزيمه , عَلّمتني لـ الأمام
.. .. .. .. .. .. أخطو .. أكثر .. وآتعَلّم .. مِنْ .. جديد

المسا عاري .. يغطيه الظلام
.. .. .. .. .. .. وأنت ِ .. ما هَمّك .. هجيري .. والجليد

كم تمنيتك .. معَ صوت اليمام
.. .. .. .. .. .. والأماني .. دربها .. درب ٍ ... [ بعيد ]

كم تحَرّيتك .. نظَر, وإلاّ سلام
.. .. .. .. .. .. شيّ ... يستوجب ... لقانا .. لو .. زهيد

موعدك, باقي على نفس الصيام
.. .. .. .. .. .. والفُرَصْ .. راحت .. وأنا .. باقي .. وحيد

الرسائل ضاعت , بْوسط الزحام
.. .. .. .. .. .. وانقطاعك .. ما .. رحَم .. ساعي .. البريد

انتهينا .. أدري .. ما فيها , كلام
.. .. .. .. .. .. وانتصر .. [ صبري ] .. على , الحلم البليد

.

محمد الفيفي

09-11-2010, 10:15 PM

.

هذا المسا يشبهِك : محبوبتي , والغياب
.. .. .. .. .. .. قاسي / ويشفع .. حضورك .. لو .. جروحي .. أبَتْ

في داخلي عالمك .. مثل الورق والكتاب
.. .. .. .. .. .. في ... دفّتينَه ... زمَنْ .. مِنْ .. دمعتي .. لِكْ .. نبَتْ

ردي على | محمد |, الشايب حياة الشباب
.. .. .. .. .. .. [ عواطفي ] ... بالخريطه ... صوب .. دارك .. حبَتْ

مِنْ قبل أشوفك زرعت الورد بين السحاب
.. .. .. .. .. .. ويوم .... شفتك .... غيومك .... بالمطر ... / أسهَبَتْ

أهواك ~ لا , تسأليني \ كيف أرد الجواب
.. .. .. .. .. .. وأنتِ لي .. كـ الأصبعْ .. اللي .. جوف .. كفّي .. ثبَتْ

مَـ أظن أم ٍ على الدنيا , ولو فـ السراب
.. .. .. .. .. .. غير .. أمك .. أنتِ ... بعطرك ... فـ المدى ... أنجبَتْ

سَمّيني ما شئتِ / طوّل انتظاري .. وباب
.. .. .. .. .. .. البيت ... موصد .... وبسمة .... موعدك ... [ أجدَبَتْ ]

لَكنّي وراد .. على نهرك بحلم .. الشّراب
.. .. .. .. .. .. رغم ... اليأس .... للتفاؤل ... عين .... فيني ... ربَتْ

.

محمد الفيفي

10-18-2010, 06:54 PM

.

ضاقت الدنيا أدوّر .. لـ المسا, فيك اتجاه
.. .. .. .. .. .. يمكن .. ألقى , لـ الأماني ... درب ... وجهك .. آخره

صرت أنادي حلمي المبحوح وأنفاسي معاه
.. .. .. .. .. .. أرفق .. أكثر .. شهقتي .. مِنْ .. قبل .. أشوفك .. عاثره

يوم شفتك, ما بقى للصوت في صمتي شفاه
.. .. .. .. .. .. [ العطش ] / ... يختال ... فيني ... والسحايب ... ساخره

بيني وبينك , مسافة شمس .. تجهلها الحياه
.. .. .. .. .. .. مِنْ ... عرفتك ... وآنا ... اسأل ... بس يقولوا : مسافره

الطموح اللي بقالي [ موعدك ] وأفنى, وراه
.. .. .. .. .. .. يكفي ... أسلى بَه ... لـ حاضر ... لو .. نساني ... باكره

وإنْ جفاني الموعد أدري ما حصَلّي من دواه
.. .. .. .. .. .. إلاّ ... داء ٍ ... خان ... كلّ ... النّاس ... لجل ... آعاشره

للأسف أدركت إنّ الشخص ما يسبق .. مداه
.. .. .. .. .. .. لو ... كتبت ... الشّعر ... يبقى ... [ جرحي ] داخل , خاطره

.