اشتقت /لي [الأرشيف] - منتديات ضفاف أدبية

بدرالموسى

04-23-2009, 12:21 PM

http://static.guim.co.uk/sys-images/Guardian/Pix/pictures/2009/1/6/1231262675211/Gallery-gaza-The-hand-of--001.jpg

صرخت بيوم يا أمه
هناك أطفال ملتمه
هنا حلم الطفولة ضاع
يجيه الموت ويلمه
في وسط الدار وحطامه
يضيع الجيل وأحلامه
ولا يلقى سوى اوجاعه
تموت بـ عينه أيامه
دموع مبلله حرفي
بكت سبورته صفي
اذا عِجزت مناديلك
تعال وخذ لهم كفي
تعال وخذ لهم كفي
تعال وخذ لهم كفي

بدرالموسى

04-23-2009, 12:22 PM

http://www.i11i.net/from/imgcache/15199.jpg

نجوع وناكل الغربه
ونعطش نرتوي كذبه
وننسى في جسدنا بطون
ولا يدرون
.
نضيع بعالم الحاجه
سجين وناطر فراجه
ترى مثلي يجي مليون
ولا يدرون
.
عرايا ونلبس الدمعه
شتانا عظام مجتمعه
نسوا من بردهم يدفون
ولا يدرون
.
نسينا هالطفوله شلون
ترى والله ما يدرون
.
ترى والله ما يدرون
ترى والله ما يدرون

بدرالموسى

04-29-2009, 02:28 PM

http://masstz.files.wordpress.com/2008/10/faqr.jpg

حط نفسك في مكاني

عيش ذلي والمهانة

البراءة والطفولة
يا رفيقي ما تفيد
ان شبعت يكون عيد
وقبل لا تصور أمانه
ودي أسأل يا زماني
عن فقير يموت مثلي
ما عرف شكل المدارس
والطفولة والملابس
إلا حالة
إنه في عالمك عالة
ما يفرق بين حاله

والزباله

بدرالموسى

04-30-2009, 09:14 AM

http://i327.photobucket.com/albums/k441/ajbloodyshadow/6.jpg

ياخي قوم
قوم سولف عن سمانا
عن هوانا
عن شعور اللي نعيشه
عن وفانا
عن تغاريد الصباح
عن جناحين بـ جناح
عن بكانا
عن تفاصيل الأمل
لما إنتسابق
وإنتضايق من بعضنا
لا افترقنا
ياخي قوم
خلنا نتسابق نحوم
ومن جديد
ننسى الهوم
لا تخليني وحيد
ياخي قوم
تكفى قوم
تكفى قوم

بدرالموسى

05-03-2009, 11:47 AM

http://www.ibtesama.com/vb/imgcache/8523.jpg

وتلطمني كفوف الجوع
أجي محتاج للخبزة
وتسيل دموع
على خد البُكا
وتسيل
وتسيل
وتهزه
وانا قدامكم طفلٍ
تجرد من حقوق الخبز
والعزه
وأشوف الجمر يشعلني
ويلبسني ردا أوضاعي
وأعيش بحضن أوجاعي
أعيش الطل
في زمان الذل
ينادي هالطفولة
وأنا باقي وحيد
هناك
مدري وحدي هنا
إلا أنا
يقول هناك وحدك ظَل
حقارة يا زمان الخذ / خل
قالوا عشت
وانا موطني
هـ الطشت

بدرالموسى

05-04-2009, 10:05 AM

http://arabia.eidmubarak.com/imageboxes/box31/i314005634282.jpg

لو سألتك من هو أثمن بيننا ؟
ولا تدري
لا تجاوبني عليه
خلني أسأل
يا ترى وش هو الشبه
بيني وبين الشعار اللي عليه ؟
الجواب الحين تقدر تبتديه
كوب فاضي
وطفل فاضي ما حمل إلا التشرد
والتجرد
يمتليه
خلنا نرجع لنفس اللي بدينا
طفل حافي
كوب حافي
إلا من هذا الشعار
[ ستار بكس ] يحمل شعاره
وانت ناظر في عيوني
تلقى أنواع المراره
تلقى أنواع المراره
تلقى أنواع المراره

بدرالموسى

05-05-2009, 01:13 PM

http://sts22.jeeran.com/الموت%20جوعا.jpg

قومي يمه
ولدك غارق بهمه
طلبتك لا تخليني
ترى ملتني هدومي
يا يمه طالبك قومي

بدرالموسى

05-06-2009, 11:56 AM

http://www.al3zeza.com/gallery/upload/1213875576.%5B0%5D..jpg

يمه وينك
يمه طفلك لا بكى من يفهمه ؟
من هو يمسح دمعته ويلملمه ؟
من هو يفهم حاجتي لطعم الحنين ؟
ما تجين ؟
شوفي بعينك عيوني متمتمه
دمع عيني من هو غيرك يفهمه ؟
يعني طفلك ما بدينه أي خيار
الزمن بدل حنانك بالجدار
يمه وينك
ما تجين ؟

بدرالموسى

05-09-2009, 02:15 AM

http://najialali.com/drawings/albums/PALESTINE/normal_naji103-.jpg

يعني تشوف اللي نشوفه ؟
القدس راحت
وبعناها
وكاس الذل
وشربناها
يا حنظلة شربناها

يعني تشوف اللي نشوفه
القدس راحت

والعورات مكشوفه

بدرالموسى

05-10-2009, 09:43 AM

http://www.awda-dawa.com/sounds/PicYear2005e17.jpg

أبويَ مات
وش بقى من عقب عينه
طفل يبكي من حنينه
وصرخة أحلام اليتامى
غصة تسكن في كلامه
ما سمعها الا باقي
من بقايا هالجدار
اللي تحضني يدينه
وتبكي عينه
واختلط دم الابوه
في جبينه
اللي يشهد عن تفاصيل الخيانه
في مكانه
وسط كومة من دمار
ايه مات
وش تساوي من عقب عينه
الحياة
وش تساوي من عقب عينه
الحياة
وش تساوي من عقب عينه
الحياة

بدرالموسى

05-11-2009, 11:29 AM

http://www.dohaup.com/up/2009-03-25/dohaup_842931756.jpg

كِنا رجال
مشروع مستقبل يجي
وعيا يجي
صِرنا فراغ من الفراغ
بس نعيش ونرتجي
والحين
لا حال
لا مال
أحذيه
والظلال
[ اطفال ]

بدرالموسى

05-12-2009, 11:55 AM

http://up109.arabsh.com/s/15hei75h6o.jpg

ليه يا دنيا قسيتي
كنتي في حكمك ظلومه
توني طفله ولكن
شايله هموم
الامومه

بدرالموسى

05-13-2009, 09:39 AM

http://puredream.jeeran.com/70769826O867377119.jpg

كل هذا ما عرفتي
إني بغيابك أضيع
وان هالكون بحدوده
وبـ مسافات الفضا
كله يضيق
تختفي أربع فصوله
وأحتري لحظة وصوله
وإني بغيابك أضيع
واني أسأل هالأماني
عن مكانك
عن حنين الوقت
لأطراف الثواني
وعن مكاني
في عيونك
عن شبابيك التواصل
وين بابك
وش لقيتي في غيابك
وش جنيتي
وش جنت حضرت جنابك
ولا بغيابك نسيتي
اني بغيابك أضيع

بدرالموسى

05-14-2009, 11:30 AM

http://nor200.jeeran.com/files/58484.jpg

وش الدمعه على ابوابك
على خذلان اصحابك
على غيابك
على اوطان منسيه
على احزان مرثيه
وش القصه
اشوفه شي من غصه
تعال احكيلي واحكيلك
وتمسح دمعة جراحك
وتشكيلي
وأنا أسكت
وأشكيلك
يطوف الوقت ما ندري
نشوف الدمع من بدري
على خد الشقا
يجري
واثاري هناك مو دمعه
هموم .. احزان
والغربه
جفا أوطان
مغتصبه
كذا بحسابكم صارت
جروح مرتبة
دسته
بقى واحد على حسابي
وعلى الدمعه
عشان تصير هالستة
على خد الجفا [ سبعة ]

بدرالموسى

05-18-2009, 10:34 AM

http://7bna.com/up/uploads/b7217542d4.jpg

تعال ورتب الفوضى
واذا تقدر ترتبني
أبي كل الجنون اللي
سكن في داخل جنونك
أبي أشربك من شوقي
وأبيك بشوق تشربني
أبي أفقدني وألقاني
بدون شعور بعيونك

بدرالموسى

05-19-2009, 12:10 PM

http://tk.files.storage.msn.com/x1pvBU1PsFlF-m3Hdywh0PXyTTjHapA3-LMSOrUuzVFTpIT0smCjqjWKfcV_tvqjtMNqWZH6CJfT1lp20nO Z8C292CycVqcGB1xL6Gj788FmdJWP2VM00z_5azRvKPdTJed8-fX4urtQcc

اذكر اني
كان حلمي
اكبر وأصبح طبيب
واسمي يتعلق في لوحة
فوق جدران النجاح
حلم ضايع
وسط شارع
صار همي بالرغيف
صرت اللقمة طموحي
نومتي فوق الرصيف

بدرالموسى

05-20-2009, 11:58 PM

http://www.maktoobblog.com/userFiles/d/r/drfaouri/images/poverty.jpg

دقايق بس من فضلك بلا مجهر بلا تكبير
نبي نسعى له لو نقدر نصد الجوع وإجحافه

تأمل شوف بعيونك وفسر عيشة التحقير
فقير أكثر من اللازم يموت الموت لا شافه

بدرالموسى

05-26-2009, 11:53 AM

http://www.azalya.org/vb/uploaded/2_1207271131.jpg

ضميت حزني وادمعت عين شعري
الصمت يجبر لي مشاعر كسيره

صبحي سواد وما فرق عنه عصري
همي بلاد وحزني اليوم ديره

بدرالموسى

05-27-2009, 12:28 PM

http://www.solgunaz.com/images/poverty.jpg

الرصيف فراش
وغطاي الهموم
والوسادة تشبه ألوان الغطا
والصحن يبكي
ودموعه كفوف
يا عطا
عجل علينا يا عطا
هالحكاية مكرر
في كل يوم
وش يسد الجوع
وصحوني فضت
والعشا نكمله
غفوه ونوم

بدرالموسى

06-07-2009, 04:01 AM

يبه ولدك ترى ضايق
عليه من الهموم جبال
قيود مكبله روحه
دموع احزان
مبحوحه
على هالحال
وجروحه
بكت من صوتك الغارق
وسط اهات مطروحه
تنادي يابدر وينك
وانا بقيودي اتعذب
بكت عيني دمع عينك
تناديني

تعال
تعال
تعال

بدرالموسى

06-17-2009, 09:00 AM

http://www.vp.rghh.com/imgcache/0/632009/64049.imgcache.png

يا مصور
ايه صور بالامانه
هالعجوز الي تضيع بهالشوارع
اشربينا ذل
ونشربك بمهانه
ما نشوفك
ما نحس بهالمواجع

بدرالموسى

06-18-2009, 10:51 AM

http://www.ibtesama.com/vb/imgcache2/27457.gif

قول
ايش اخلي
وايش أقول
الفرح فصل الخريف
والربيع يمرني طيف
والنهار اللي اشوفه
من ليالي فصل قالوا
عنه البرد الشديد
علموني شـ الجديد
دامها الدنيا عطتني
بالحزن أربع فصول
ملني حزني لأنه
هالحزن طبعه ملول

إيش أخلي
وإيش أقول

بدرالموسى

06-20-2009, 01:34 AM

http://www.do7a.com/gallery/files/cardh7.jpg

إنتظرت وما رجعت
وش تبي اكثر أسوي ؟
أكسر حدود المسافه ؟
إنتظرتك وإنتظرت
وإنتظرت
ولا تحسبني بكيت
او نسيت
ما قويت
وما نسيت
حتى للذكرى وفيت
قمت أردد من هو شافه
بلا كلافه
أكسر حدود المسافه
وإتصلت
وما ترد
ياخي رد
جيت كلي للتواصل
ما طلبت الا ثواني
عيش مثلي هالغياب
شوف كيف البعد قاسي
كيف اعاني
وإنت بعاندك تحاول
تبعد بشتى الوسائل
ما طلبت الا ثواني
بس تحاول
ياخي حاول
عيش حالي
وافهم الرغبة الملحه
بإتصالي
حط نفسك في مكاني
بس ثواني
وش تبي اكثر أسوي
دام تسمح للغايب
دام بعاندك تسكر
كل باب وكل باب
وش تبي اكثر أسوي ؟

وش تبي اكثر أسوي ؟

بدرالموسى

06-22-2009, 01:48 AM

http://www.mutir-up.org/up/uploads/uXB35697.bmp

على هالحال لي مده
وفي هذا الحزن وياي
أصيل وما يفارقني
ولا يرضى بغير بكاي
نسى يوفيلي بوعده
على هالحال من مده

بدرالموسى

06-30-2009, 11:28 AM

http://ramblert.blogsome.com/wp-admin/images/old-man-2.jpg

ما تنلام
الحال متبدل عليك
لا تقدر تجيه
ولا هو متنازل
انه يجيك
ما تنلام يوم تنام
أجيال تنبش قبور الذل
وتعيش أحلام
ما تنلام
يوم تنام
يا عم
نم
يا عم
نام

بدرالموسى

07-01-2009, 08:58 AM

http://www.al-akhbar.com/files/images/p18_20080121_pic1.full.jpg

طفل مسجون في [ عبرة ] شوارع .. وأرصفه .. وجموع
من أنواع [ الزحام ] اللي نبت في [ محجريـه ] وسـال

لبس [ معطف ] من الشكوى تبعثر .. في بكا / مخدوع /
حنينه للبراءه .. لملمـه فـي .. [ شهقتيـن ] وقـال :

أمانينا حضن امي ../ فتـات / مـن الدفـا.. الموجـوع
حضن مقهور .. بـ[ أحزانه ] ولكنـه ... بنـى أجيـال

مدارسنا .. حوارينـا .. [ تمـوت ] وراسهـا مرفـوع
على أكليـل مـن باقـي الكرامـه .. وينتصـب تمثـال

بدرالموسى

07-20-2009, 11:09 AM

http://www.bbc.co.uk/arabic/specials/images/226_invideo/2161351_israel_poverty_pic_special.jpg

وش يعني تبيع النفس
واطفالك ؟
وش يعني يكون الذل
هو حالك ؟
وش يعني بس هالكرسي
يبقالك ؟
وش يعني
يكون الحلم بس تشبع
وتنشد خبزة الرحمه
بعد ما صابتك تخمه
وزاد الفقر من وزنك
وصرت أخف من ريشه
وش يعني
تكون اثوابكم خيشه ؟
وش يعني
يكون لحافكم حزنك ؟
يخرب بيت هالعيشه

بدرالموسى

07-24-2009, 03:35 AM

http://al3thb.webng.com/Blog/طفولة-فقر.jpg

من يقول انك فقيره ؟
انتي بعيوني
اميره
تكسري قيد الشوارع
في عيونك
ريح تعصف
تقلب الماضي مضارع
في شفاهك احلى بسمه
تختصر حلم الطفوله
بس في كلمه
تعتلي غيم البراءة
انتي بعيوني أميره
في وسط دنيا [ حقيره ]

بدرالموسى

07-30-2009, 10:58 AM

http://www.al-shfq.com/1/asa.jpg

وسادة راسي آهاتي
وأغطي نفسي نفسي بالحسرات
أونس ذاتي بجروحي
من أولها لتاليها

أكحل عيني بدموعي
وأمسح دمعي بالعبرات
وأبني بالشقا بيتي
وتتعالى مبانيها

أنا من وين ما أهرب
ألاقي الجرح والونات

من الماضي .. من الحاضر .. ياربي منين ألاقيها