ناديه المطيري
04-23-2009, 06:18 PM
مساؤكم يحوفه الرضا
شكراً لمهندسنا // الملحم لتلك الدعوة الكريمة ..
رغم أن القريحة أصبحت خاوية أو شبه مستهلكة
وكي لايكون حضوري مكرراً ,, سأكتفي بكتابة " مقاطع شعرية " لم تتجاوز جدران " الهدوء "
وشحيث نواف عني ؟ :d
فقط كعربون حضور لتلك الضفاف علّها تكون كالأصداف ما إن تحملها حتى تهمس لك شعراً
وأتمنى فقط أن تصغوا لتلك الكيبورديات العفوية ...
( 1 )
يطل الما على كف الظما( تعويذة الارواء)=وكفّيني تشكّل غيمتين بْأرض مهجورة
يطل الضو/ شبّاك العتيم وتنحني أضواء=تِقَنْدِلْني كما نورٍ يفك ازرار ديجوره
وادوزِنّي كما شعرٍ يبلّل تمْتماتْ الماء=وابلّلني كما غيمة ظما بالشعر ممطورة
( 2 )
ماكنت ارتّبْلِكْ من العام أشياي؟؟!!=ماكنّي الاّ الصبح في كف ظلما
ماكنت تصْغي لي / ولا كنت ويّاي=مثل الذي يكتب على صفحة الما
ماهمّني درْبك يسولف عن خْطاي=دام ارتوائي بين كفّيك يِظما
ليتك تجي هالْحين وتْبعثر اشياي=يمكن يعيش الصبح
وتْموت ظلمه
وتْموت ظلما
وتْموت ظلما
وتْموت ظلما
وتْموت ظلمه
وتْموت ظلمه
( 3 )
تعبت أحاول أرتجي غيمةٍ فيك=قلّي متى تمطر سماك بضفافي؟
مانلتقي ,, لانك بعيد بْمنافيك=وانا وحيدة تحتويني منافي
أحيان ودي أبتعد عنْك /أجافيك=وألقاك متوسّد ضلوعي وغافي
وأحيان ودي أنتظر في مرافيك=لكن أخاف تخونني هالمرافي
( 4 )
الصبح يسأل هالعصافير وين انت ؟=شف هالشبايك الحزينة بدونك
طفْلتْك نامت خلفها تحضن الصمت=دام الكلام أقسى من أقسى طعونك
ليتك تجي قبل الحزن يكْسر الوقت= من قبل تصحى/ماتلاقي عيونك
( 5 )
كل حزنٍ بصدري مايجيه الرقاد=فزّز نعاس [ جرح ] مانويت اسهره
كيف ألوم السواقي لو تخون الحصاد=دام حظي غصون يابسه مغبره
كيف أضمّك لصدري وانت نصفك رماد!!=خوف أضمك تجيه الريح وتْبعثره
( 6 )
ينفيني الليل وافتح للصِّبِحْ بابي=ويسكّر الباب في وجهي وينفيني
من وين مالَد حزني طارت اسرابي=مابين وجه الغياب ووجه يبكيني
لو الحكايه مجرد حلم يرقا بي=ماكان طلت السحاب المرتوي فيني
حتى الظما لو يمل اليوم بشعابي=لا فج صدر الغمام الممطر بعيني
( 7 )
يا حمامة حطّت بصدر الاماني=كلما ناحت على غصني بكيت
تفرد جْناحينها بين المحاني=واتوجّد بين ( ليه ) وبين ( ليت )
بين بحة ناي واحزان ومواني=أتخايلها ترفرف لا سهيت
واتذكّر كيف خطواتي تعاني=لاانْكـسر دربٍ تحدّيته وجيت
وان تذكّرت المدى صبح وأغاني=جتني الضيقة ليا منّي نسيت
وان سهرتك بين تكّات الثواني=ينكـ سر حلمي ليا منّي غفيت
( 8 )
ماجيت أنا استجدي الرجا حفنة أحلام=جيت أبذر أحلام الرجا في يدينه
ماجيت أنا اتسنبل حكايات وأوهام =جيت السهر والأغنيات الحزينة
ماجيت أقبّل وجنة الليل لانام=جيت أهدي الصبح الطري ياسمينه
جيت أرمي بْكفوف التعب باقي الايام=يمكن ألاقي راحتي في سنينه
جيت أحصد الخيبة عن جروحي العام=واعلّم الفلاّح ..وجه المدينة
جيت أزرع الفكرة على أرض الالهام=زوّادتي حزن وحكايا دفينة
( 9 )
لوجيت أسولف للحزن عن غيابه=ألقى الحزن يحكي غيابه أغاني
لو جيت أبكتب ماقويت الكتابة=وارجع أجر أذيال خيبة زماني
مالي على صد المشاريه لابه=تفزع لقلب ماوطته الاماني
لو كان حلم الما بآخر سحابه=لا هج من صدر العطش والمحاني
( 10 )
كنت احرث الظلمه /حزن يشبه الضي=ماعاد تفرق ليلتي من نهاري
كنت ابذر أحزاني على كفوف من مي=واحصد قصايدها بطعم احتضاري
كنت أزرع الأحلام/ تنبت من ايديْ=يمكن تحقق أو تموت بمداري
كنت ألتحف هالقيض واتخيّله في=يمكن يصحين الوهم من حصاري
صحّيت جرحٍ يلبس ثياب من غي=أثر الثياب أسمال والجرح عاري
مودتي ...
شكراً لمهندسنا // الملحم لتلك الدعوة الكريمة ..
رغم أن القريحة أصبحت خاوية أو شبه مستهلكة
وكي لايكون حضوري مكرراً ,, سأكتفي بكتابة " مقاطع شعرية " لم تتجاوز جدران " الهدوء "
وشحيث نواف عني ؟ :d
فقط كعربون حضور لتلك الضفاف علّها تكون كالأصداف ما إن تحملها حتى تهمس لك شعراً
وأتمنى فقط أن تصغوا لتلك الكيبورديات العفوية ...
( 1 )
يطل الما على كف الظما( تعويذة الارواء)=وكفّيني تشكّل غيمتين بْأرض مهجورة
يطل الضو/ شبّاك العتيم وتنحني أضواء=تِقَنْدِلْني كما نورٍ يفك ازرار ديجوره
وادوزِنّي كما شعرٍ يبلّل تمْتماتْ الماء=وابلّلني كما غيمة ظما بالشعر ممطورة
( 2 )
ماكنت ارتّبْلِكْ من العام أشياي؟؟!!=ماكنّي الاّ الصبح في كف ظلما
ماكنت تصْغي لي / ولا كنت ويّاي=مثل الذي يكتب على صفحة الما
ماهمّني درْبك يسولف عن خْطاي=دام ارتوائي بين كفّيك يِظما
ليتك تجي هالْحين وتْبعثر اشياي=يمكن يعيش الصبح
وتْموت ظلمه
وتْموت ظلما
وتْموت ظلما
وتْموت ظلما
وتْموت ظلمه
وتْموت ظلمه
( 3 )
تعبت أحاول أرتجي غيمةٍ فيك=قلّي متى تمطر سماك بضفافي؟
مانلتقي ,, لانك بعيد بْمنافيك=وانا وحيدة تحتويني منافي
أحيان ودي أبتعد عنْك /أجافيك=وألقاك متوسّد ضلوعي وغافي
وأحيان ودي أنتظر في مرافيك=لكن أخاف تخونني هالمرافي
( 4 )
الصبح يسأل هالعصافير وين انت ؟=شف هالشبايك الحزينة بدونك
طفْلتْك نامت خلفها تحضن الصمت=دام الكلام أقسى من أقسى طعونك
ليتك تجي قبل الحزن يكْسر الوقت= من قبل تصحى/ماتلاقي عيونك
( 5 )
كل حزنٍ بصدري مايجيه الرقاد=فزّز نعاس [ جرح ] مانويت اسهره
كيف ألوم السواقي لو تخون الحصاد=دام حظي غصون يابسه مغبره
كيف أضمّك لصدري وانت نصفك رماد!!=خوف أضمك تجيه الريح وتْبعثره
( 6 )
ينفيني الليل وافتح للصِّبِحْ بابي=ويسكّر الباب في وجهي وينفيني
من وين مالَد حزني طارت اسرابي=مابين وجه الغياب ووجه يبكيني
لو الحكايه مجرد حلم يرقا بي=ماكان طلت السحاب المرتوي فيني
حتى الظما لو يمل اليوم بشعابي=لا فج صدر الغمام الممطر بعيني
( 7 )
يا حمامة حطّت بصدر الاماني=كلما ناحت على غصني بكيت
تفرد جْناحينها بين المحاني=واتوجّد بين ( ليه ) وبين ( ليت )
بين بحة ناي واحزان ومواني=أتخايلها ترفرف لا سهيت
واتذكّر كيف خطواتي تعاني=لاانْكـسر دربٍ تحدّيته وجيت
وان تذكّرت المدى صبح وأغاني=جتني الضيقة ليا منّي نسيت
وان سهرتك بين تكّات الثواني=ينكـ سر حلمي ليا منّي غفيت
( 8 )
ماجيت أنا استجدي الرجا حفنة أحلام=جيت أبذر أحلام الرجا في يدينه
ماجيت أنا اتسنبل حكايات وأوهام =جيت السهر والأغنيات الحزينة
ماجيت أقبّل وجنة الليل لانام=جيت أهدي الصبح الطري ياسمينه
جيت أرمي بْكفوف التعب باقي الايام=يمكن ألاقي راحتي في سنينه
جيت أحصد الخيبة عن جروحي العام=واعلّم الفلاّح ..وجه المدينة
جيت أزرع الفكرة على أرض الالهام=زوّادتي حزن وحكايا دفينة
( 9 )
لوجيت أسولف للحزن عن غيابه=ألقى الحزن يحكي غيابه أغاني
لو جيت أبكتب ماقويت الكتابة=وارجع أجر أذيال خيبة زماني
مالي على صد المشاريه لابه=تفزع لقلب ماوطته الاماني
لو كان حلم الما بآخر سحابه=لا هج من صدر العطش والمحاني
( 10 )
كنت احرث الظلمه /حزن يشبه الضي=ماعاد تفرق ليلتي من نهاري
كنت ابذر أحزاني على كفوف من مي=واحصد قصايدها بطعم احتضاري
كنت أزرع الأحلام/ تنبت من ايديْ=يمكن تحقق أو تموت بمداري
كنت ألتحف هالقيض واتخيّله في=يمكن يصحين الوهم من حصاري
صحّيت جرحٍ يلبس ثياب من غي=أثر الثياب أسمال والجرح عاري
مودتي ...