تــبــاريــح

[منصور الفهيد]

.















إحساس آعيش ,,, وقلبي ينبض لغيري
مقسوم ,,,
لي ثلثهـ وثلثين . . لأحــــبابي ,


















.

[منصور الفهيد]

وفيْ طيفك
وفيّ طيفك نسى في صبح ينساني
.. مثل غيّاب
وفيّ طيفك يجي كل ليل لاجفاني
..يدق الباب
وفــي طيفك دموع لحرث احزاني
وانا ... أنا الاهداب

[منصور الفهيد]

و آتريّقك















.
.








واتريّقك صبحٍ تقهوى بفمّك ..

. . . وآصحصح بنجلٍ لهن بي , تِـنِـبّـه



.
.

وتستبسل انفاسي لصدري بشمّك ! , ,
. . . واسألني ,,








ليه الوقت ماكنت احبّه ؟

ياسكّر إن ما كان فعلا .. أهمّك
ياخي بلاش الجرح
من غير سبه ...






.

[منصور الفهيد]

نــثــرتك نسمه
لجرحٍ ترفرف لك عصافيرهـ
, , , تطشّيني كذا للـليل
فرحهـ
... زمهـرير احزان











.

[منصور الفهيد]

.
.






اذا كان بحضورك
هالصباح , , ,
بكل طـلاّته
يصحّيني
على جنْح الفراش
ويرسم افراحي . .
,
,
اجل

.
.
أجل ماعلموك الليل بغيابك وش سْواته








.
.

يجي





.



يـجي , ,
ويكحّل عيوني رمد ..
ويملّح جراحي




ويملح جراحي














.

[منصور الفهيد]

.
.










لا ماانت فاضي
بالغزل مليان ...
إيهـ انتـ فاضي
والصدر ميدان








!

[منصور الفهيد]

.

لا صرت أذوقك كرز وإسمك سمي العنب
............... وانشودة الليل للغفوات مسترسلهـ
ولاصرت أتوقك زهر وان جيتني تعتشب
............. وكل الحكاوي تجي من فمّك مهيّــله
هو











.


هو ليهـ ؟






.






.






هو ليه تبعد . . .


وأنا ..
أنا ليه انشغل وأرتقب ,
والوصل وصلك وبعدك ..











.















بعدك هالبشر تكملهـ



















!

.

[منصور الفهيد]

اقبلت غنوه بين حلوه ويعني
واقفيت منوه بين سهله وصعبه

[منصور الفهيد]

لاتحرث جذوري عبث تنتزعني
مادام ترتيب الثمر مقتنعبه

[منصور الفهيد]

فـــ لو قلتلك دعني وشأني .. فدعني
بس ..
لاتدع شاني كذا ينرثعبه

[منصور الفهيد]

علميني ..
أقطف شعورك بكلمه
أزرع عيونك ببسمه
. . . .


لأنتهت للشوق غايه
من حنيني
. . .



واتركيني
اتركيني للسحاب وللخضار وللوجيه
لجل أحيى . . .
لجل أعرف بس ليه
ليه كل ما البال يصفى
يرجع اسمك يشتريه








... لجل بس تشتتيه
وتتركيني
مع حنيني














.






ياخي طيب إتركيني !؟



.

[منصور الفهيد]

.
.



والله أضحك موحزين
بس .....




.




لسّه تحبني .. ؟!





.

[منصور الفهيد]

من طعنتك وآنا أنا
ماكن شي انتابني
أنزف وفي نفس العنى
ماهو اللي جابك جابني ..؟

؟
؟




دايم أقول الله لنا
الله لنا
الله لنا
الله لنا








.





شفني وأنا كلي قِيَم
قاعد تخون وأبتسم
ما اعاتبك ..
ما انتقم ...
يكفني قلبك هابني



.
.

يعني اذا هانت عليك
غير المحبه .. طعنتي
أضحك واقول مابه جديد
ماكن شي صابني



.
.


مادام عاشبْنا زمن
فيه المحبه تندفن


.

فــ قلوب صارتله كفن
أرجوك ارجع ياصبر
ماظن قربك عابني


.


هذا أنا .. أنا ... أنا .....
ماشي اصلا صابني
ولا كن شي انتابني










.

[منصور الفهيد]

هذا الصباح .. جراح
قيه الفرح قرب الحزن ..
غطى جبينه وشاح
هذا الصباح جراح


.
.
.


والدمع بي فضاح ...
لو بان بعيوني تعب ... بكره
بكره ابي ارتاح












.

[منصور الفهيد]

تدري ياعمري شقول
لا ذكرتك فــ الصباح
غيبي ياكل الفصول
وهبي ياكل الرياح

[منصور الفهيد]

موبيدّي ..
















.

موبيدّي إني آوادع .. وأروح
كنت أحاول بس صعبه ... مو بيدّي

.
.

وإنتي تدرين إني آخاف الجروح
اللي لايمكن تطيب ولاتعدي ...


.

[منصور الفهيد]

بك ضحك الأطفال بالحلم وسلاسة قصب
ومعانق الغيم الابيض وبركة سنبله
وبك لذة الماء على الضامي وحلو المهب
وملاطف الورد .. ورد برقه يقبله

[منصور الفهيد]

أعرف إني ...
لجرحك محب
وأعرف اني
حنيني كذب
أعيش اغلى وهم
ويسكنّي
مثل ما .. الناي يسكنّي
آه
مثل مالغيم يسكنه المطر
وتجيني صيف وأنبتلك زهر
وتهجرني
مثل ما .. الناس تهجرني
وأغيب

[منصور الفهيد]

دعيني مني
ودعيني من كل ماأكتبه
هاأنا اترك الشعر
لأتحدث اليكِ بكل صدق وبكل عفويه
أتسمعين ..
اقربي مني لتسمعينني
كل هذا الغرام والشوق والحب .. وهم
انا اجمعهم بساعه او بيوم ..

لأن الشعر كاذب
اي نعم كاذب
وانا اريد ان اصدق في هذه اللحظه
تعالي ..
تعالي من ورى كذبي
كل ما اكتبه تعويض وسداد فراغ
أتعلمين
انني اصطنع لنفسي اجواء للكتابه
واخلق بمخيلتي ملهمه في اجمل صوره .. لكيْ
لكي أكتب
تعالي
كوني ملهمتي الحقيقيه
ابحث عنك كل يوم بين احرفي وفي اوجه الغيوم
تعالي
انا اراكِ ولكن لاأشعر بك
تعالي
اخرجي مابداخلي من حب
استفزيني للكتابه .. للقراءه
انا احتاجك ...

[منصور الفهيد]

وتقريني
امانه ليه تبديني
وتنهيني
وانا أنزف شعر
وارتبلك
كثير اشياء من عيني
ولاتْجيني

[منصور الفهيد]

اريد ان ارحل بـ ودّي
وبـ ودّي تريدي الرحيل

[منصور الفهيد]

ودي اصرخ في هدوءك .. وإسمعيــني
هالمساء .. بالذات باعثني حنيني ..
طفل .. احتاج لدفى من برد قلبي
طفل .. احتاج لبكى من حر عيني






.

[منصور الفهيد]

ان كنت نايم صدق نوم العوافي
يازلةٍ مبطي من القلب دامحْك
الخوف من شي بـ يجيني وخافي
او ضيعة تستر وعدها ملامحْك
لاصرت صاحي وداخلك شوق غافي
ماآظن ابسهر بعدها لجل أسامحْك

[منصور الفهيد]

عيني بكتـــني وانت عاقل وتدْرك
انه قويّه .. طيحة انسان كبْري
كم لي وانااوله كل ليلهـ .. وبدْرك
يروي تفاصيل انتهازك لحبْري
طيب مدامك رحتـ بي صوب صدْرك
ياخي تكرم دلني درْب صبْري
تايه ادور مقنعيني بغدْرك
من شان اصدق لاتماكنت قبْري
رغم اني امشي في مسافات قدْرك
الا ان خبري بك على حد خبْري
اشياء كثيره تلتفتلي بهدْرك
ياشين حب انسان باحساس جبْري
وان كان طحت الحين من عين قدْرك
الله يعين بطيحة احباب كبْري

[منصور الفهيد]

الصبح ماله قلب يامتعبتني
نسى يجيبك مثل ماكان اوّل

[منصور الفهيد]

.












عمر الحزن ما داعب انسان مرهق
بين التعب والخوف تنفيه الأحزان













!

[منصور الفهيد]

فراشتي .!

انتي فراشتي
أنا لا اراكِ .. كما تريني
وانتي تريني بكل وضوح
لانني شديد النور فأنا لا ابصر جيدا
لابد لي ان انطفئ لكي اراكِ .. .
او ان اكون خافتاً ...
ولكن خوفي لاتأتين ..
فشرفتي لاتعترف بالأزهار ليلا ....
وشارعي صاخب وضيّق ...
سأظل هكذا ...
لا اراكِ ...
وانتي تقتربين مني كلما ازددت نورا وازداد حولي الظلام
فمصيرنا ان لانلتقي ...
اتعلمين لما ..
لأننا نحن الاثنان اعداء بحميميه ,
إما ان اخفت فأخفت لأراكِ فأموت ,
والا ان ازداد نوراً فتقتربي وتقتربي ...
فتحترقي.
ألم اقل لكِ ذات حلم أنكِ ...





فـراشــتي , , ,







.

[منصور الفهيد]

.


تدري وش الموت من عقب الزعل لارضيت
لاقلت .. عادك تحب ..؟

وقلتــلي مــــدري !!
























!

[منصور الفهيد]

تجي بس ماتجي مرهم
وأجي لأجوائها مُرغم
تجي موت وتجي علقم

.
.

لأنك لو تفكر زين
كثير من البشر ناسين
بإن كيد النساء اعظم
ومن بين النساء .. مريم
كـــذا مريم
تجي موت) وتجي علقم )
مدام حروفها أصلا
"تجي "مــر
"وبعدها "يــم
وكذا مريم

[منصور الفهيد]

حبيتي ..


قميصنا نحن الاثنين
قد من دُبر فــمن الصادق ..!

[منصور الفهيد]

يأملني مثل نور بزغ من شرفه يزفلي
عمى ..
لــ عيون كلت تسأل العتمه عن شراقي

[منصور الفهيد]

ماأقنعك
حتى وأنا كلي معك .. وشفها عيوني تتبعك
وتصيح كفيني تعال .. في هالمساء وش يمنعك؟


وقّف معي هنا ... هناك
ابحتطب بردك مخيف .. والنار بعروقي أنا
وأبسألك وشهو العنى .. خليتـني وآنا معك !
وتصيح يدّيني تعال
في هالمساء وش يمنعك؟


دام القمر يحكي .. وهذا النجم يبكي
من عذري آغنّي .. وأعاتب الحيطان
يمكن مع صوتي تحس .. دام ان لها آذان
ويضيع لاراح النفس ..


اثري اشوفك من قريب ..ابعد من اني عنْك اغيب
وراح المساء يعتب علي .. ماشفت انا مثلك غريب
وانتي تعداك الذهول
حتى عيونك لي تقول .........
في هالمساء وش يمنعك
يابنت وشهو يمنعك

[منصور الفهيد]

لاصرت قدْم العين ومن قلب راغب
افقدني بقلبك .. فلا لك ولا لهـ
واذا طغى رمشك وأذنب .. وشاغب
ايقنت بأني ضايعٍ لامحالهـ

[منصور الفهيد]

تدري الامن ضقت دايم .. شسوّي
أعمل لنفسي جو ..
وأطغى على الجوْ !
يعني
هنا انت
وأنا .. عشت توّي
ولانَــــفَس !
في جوّنا , , وماتبي سوْ ..!
وانت قلت لو مو انت ..
ثم خرْبْ جوّي ..
أفتح عمل شيطان وآقول لك ..... لــــــــــوْ !!!
لو
لو
لو

[منصور الفهيد]

أكبر قهر لاصرت واقف وضميان
قدام اخوك ومايبي عمْد يسقيك
الماي بيده وانت بأمرين حيران
امرٍ محال وامْر ان صار ينهيك
اما تطيح بعز وتموت عطشان
والا تعيش وتذبحه بين اياديك

[منصور الفهيد]

اكبر قهر لاصرت فقري وطفران
منته بلاقي مابجيبك يعشّيك
ومرمي حلالك عند رجّال فسقان
يْدوّر الزله عليك بْيــجافيك

[منصور الفهيد]

أكبر قهر لاصرت توثق بجيران
وتعدّهم فوق الغلا منّك وفيك
فجئه اكتشفت انك مضيع وغلطان
تلقابهم واحد سبب كل بلاوييك

[منصور الفهيد]

واكبر قهر لاصرت تشكي من ادمان
وتلقى صديقٍ لك يحبك ويغليك
تبغي تعالج بس تحتاج كتمان
يومٍ نخيته راح قال لمعاديك

[منصور الفهيد]

واكبر قهر لاصرت ضايق وطفشان
مو لاقي اللي يسأل يقول وش فيك
ثم رحت تطلب منهو .. آعز انسان
منهو على نفسه وروحه يبديك
يومٍ وصلته قال مافيه امْكان
آسف انا مشغول مضطر اخليك

[منصور الفهيد]

شفتي المطر
كان الفجر
ينزل ويهدينا خشوع
ينزل ويهديها زروع
هذا المطر ..



.
.

مثل العطر
لما يصاحب وجنتك
ماله مفر

.
.

آه يالمطر
ليتك تعلم هالبشر
وش تعني الكلمه (( وفى ))
والا افى
لايالمطر
ماهو الفجر
حاول تجي بس لاتجي
وقت الظهر
وقت العصر
يمكن ينسينا النظر
دور البشر
ايه يالمطر

[منصور الفهيد]

عطيني الجرح , ,
ولا تحاتيــــن
أساساً ماعليْ خلاف
مدام اني مع جروحي
مثــل
مثل عودٍ مع عيالهـ
عظيمــــهـ
عظيمه هالجروح اللي تجي
تجي من صدرك اللي شاف
من طعون الحبايب
مايكفيه لعمر دالهـ !

[منصور الفهيد]

ولا يهمّك
اذا هي بس على همّك
عطيني إياه
عطيني اياه
انا حتى البعيد اغليه
برئ ..وكل شي اعطيه
ولا آخذ
من العالم
وانا حالم
وانا الظالم
لنفسي.






حزيـــن ومالي الدنيا فرح
لغيري
ولــ عصافيري
تصدقي
من كثر ماني انكسر
طفلٍ بصدري انتحر

شفتي انا شلون انتظر

بعد الحنين
مثل الشجر
بس ماتجين

.
.


ولا يهمك
اذا هي بس على همك
وراس أمك
عطيني كل حزن الارض
وانا قادر على قلبي
واقول استح على دمّك
ولا يهمك

[منصور الفهيد]

.
..
...








ويش أسوّي
أنا بالحب توّي
يادوب توي أشتعل !
منك شلون انطفيت
وانت ضوّي

[منصور الفهيد]

مامن تعب ..
والحزن هذا اللي معي
حزن الحزن
جرْح الفّرَح
وكله كذب

.
.

وين التعب
لاصار حزني بي سعيد
يكبر وينزفني قصيد
كنّه جديد
آداعبه
وآلاعبه
ومواجعه ماهي أكيد
بس الأكيد
انه يجي لامن طغى
لامن بغى
فوق الهدب
.
.


وين التعب
مامن تعب
يمكن اذا مره زعلت
ومن القهر فيني .. ثملت
اكتب عتب
اكتب عتب
ماهو تعب
شفتي وشلون الكذب
لعيونك افصخ مبدئي
والبس عتب
ماهو تعب

[منصور الفهيد]

وش كلامك وعمري سلّمك عمْره
ذي حياة .. وحياته مالها ثاني


.!

[منصور الفهيد]

بان وجه الكلام وبانت الحمْره
يوم اسمك تبختر من على لساني
يقبِل احلى السوالف بآخر السمره
يقفي ألحان عاشق للقاء عاني
يسرق الليل والنجمات والقمره
اسمك ان ماتت اسماء ماهو بفاني
كنت اعرف الدروب ومن انا بأمره
عاد هالحين مدري وين ابـلقاني
ياهلا بإحتضان الثلج للجمره
ياهلا بصبحْ وجهه .. بيض الأمزاني
هي نهاية هلاكي بأول الخمره
او بداية سلامي بآخر احزاني
للسعد اغنيات وللنكد زمره
بعد مامات قلبي فيك واحياني
آتقهوى وصالك والغلى تمره
وارتويبك قصيدٍ بك تحداني
وش كلامك وعمري سلمك عمره
ذي حياة وحياته مالها ثاني
جاك كل الكلام وغابت الحمره
هات قلبك يبلل يابس اغصاني

[منصور الفهيد]

ياخي ويـــنك ...؟؟
يعني ماجابك حنـــينك
وإلا مارفّـت بعينك
أحلى أيام بسنـــينك ...
ياخي ويــــــــــنك ؟
...ليه أنا بس افقدك لا غبت عنّـي
ليه أحس بنبض فـيّ .. وماهو منّي
ياخي وينك
يعني كل ماقول جــاني
يوقف بوجهي زماني
وياخذْك عنّي
وياخذك مني
ياخذك
لأبعد من عيوني لعينك
ياخي وينك ...؟
كل شيء غالي سألني عنْك
ويـــــــنك ؟
ويش اقول لهالرسايل
ويش اقول لهالموبايل
لاسألني عنْك وينك
ياخي قـــول ......... قول
قول
لــ حزن في صدري ... لـــ قبايل
من قهر ,
الله يلعن يوم صمتك
يابشر
يالله قول الحين وينك
مو حرام تغيب .. تتركني كذا
مو حرام القلب يرثعبه أذى

..
.



بس خلاص
ارجوك وينك

[منصور الفهيد]

لاتعتذر .. لاتعيد وتزيد بالشرح
لاتشغل احساسك مدامك من الروح
عادي ترى ماعاد يعنيني الجرح
اصلا انا كلي على بعضي جروح